ប្រធានាធិបតីចិនចាប់ផ្តើមដំណើរទស្សនៈកិច្ចរយៈពេលពីរថ្ងៃនៅកម្ពុជា
សារព័ត៌មាន Cambodia News/
ភ្នំពេញ (១៣ តុលា ២០១៦) ៖ ដូចដែលបានគ្រោងទុក ឯកឧត្តម ស៊ី ជីនភីង ប្រធានាធិបតីចិន បានអញ្ជើញមក ដល់កម្ពុជានៅវេលាថ្ងៃត្រង់ទី១៣ ខែ តុលា ដោយសុវត្ថិភាព។
វត្តមានរបស់ ឯកឧត្តម ស៊ី ជីនភីង ត្រូវទទួលបដិសណ្ឋាកិច្ចស្វាគមន៍នៅព្រលានយន្តហោះអន្តរជាតិភ្នំពេញ ពីសំណាក់ មន្រ្តីជាន់ខ្ពស់នៃរាជរដ្ឋាភិបាលកម្ពុជា និង ព្រះបរមរាជវាំង សិស្សនិស្សិត និង មន្រ្តីរាជការជាច្រើនរូប ។
ឯកឧត្តម គ្រោងនឹងចូលបង្គំគាល់ ព្រះករុណាសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា និងចូលគាល់សម្តែងការគួរសមជាមួយសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិកម្ពុជា ។
នៅថ្ងៃដដែល ឯកឧត្តម នឹងអញ្ជើញជួបសវនាការជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព និង ធ្វើជាអធិបតីភាព ក្នុងពិធីចុះហត្ថលេខាលើឯកសារមួយចំនួន។
នេះគឺជាដំណើរបំពេញទស្សនៈកិច្ចផ្លូវរដ្ឋលើកទី១ របស់ ឯកឧត្តមនៅកម្ពុជា ក្រោយពេលដែល ឯកឧត្តម ធ្លាប់មកបំពេញទស្សនៈកិច្ចនៅកម្ពុជាម្តង កាលពីឆ្នាំ២០០៩ នៅក្នុងពេលឯកឧត្តម ជាអនុប្រធានាធិបតី៕
