ក្រសួងអប់រំ ដាក់ទណ្ឌ បុគ្គលិកអប់រំំ ៩រូប ដែលប្រព្រឹត្តកំហុសឆ្គង នៅក្នុងការប្រឡងបាក់ឌុប
សារព័ត៌មាន Cambodia News/
ភ្នំពេញ (០៥ តុលា ២០១៦) ៖ ក្រសួងអប់រំយុវជន និងកីឡា នៅថ្ងៃទី០៤តុលា ឆ្នាំ ២០១៦ នេះ បានច សេចក្តីប្រកាសព័ត៌មាន ស្តីពីទណ្ឌកម្មខាងវិន័យចំពោះបុគ្គលិកអប់រំ ៩រូបដែលបានប្រព្រឹត្តកំហុសឆ្គងនៅក្នុងការប្រឡងសញ្ញាប័ត្រមធ្យមសិក្សាទុតិយភូមិ សម័យប្រឡង ២២ សីហា ២០១៦។
ដោយស្របតាមទណ្ឌកម្មខាងវិន័យថ្នាក់ទី១និងថ្នាក់ ទី២ ដែលមានចែងនៅក្នុងច្បាប់ ស្តីពីសហលក្ខន្តិកៈមន្ត្រីរាជការស៊ីវិលនៃព្រះរាជាណាចក្រកម្ពុជានិង ប្រកាសលេខ ៧២៧ អយក.ប្រកស្តីពីការកម្រិតវិន័យចំពោះបុគ្គលិកអប់រំក្នុងការប្រឡងសញ្ញាប័ត្រមធ្យមសិក្សាទុតិយភូមិ ទាំងនៅក្នុងដំណើរការសំណេរ កំណែ និងដំណើរការស្រង់បូកដោយកុំព្យូទ័រ។
យោងតាមសេចក្តីប្រកាសនៅថ្ងៃទី០៤ ខែតុលា ឆ្នាំ ២០១៦ នេះ បានអោយដឹថា អង្គប្រជុំក្រុមប្រឹក្សាវិន័យរបស់ក្រសួងអប់រំ យុវជន និងកីឡាបានពិនិត្យនិងសម្រេចដាក់ទណ្ឌកម្មខាងវិន័យចំពោះគណៈមេប្រយោគ ចំនួន ០៩ រូបដែលបានប្រព្រឹត្តកំហុសឆ្គងក្នុងការប្រឡងសញ្ញាប័ត្រមធ្យមសិក្សា ទុតិយភូមិសម័យប្រឡង៖ ២២ សីហា ២០១៦ កន្លងមកនេះ៕
