២១នាក់របួស ក្រោយរថភ្លើងបុករថយន្តដឹកទំនិញនៅរដ្ឋកាលីហ្វរញ៉ា
សារព័ត៌មាន Cambodia News/
អាមេរិក (០៧ កញ្ញា ២០៦) ៖ មនុស្ស២១នាក់បានរងរបួសក្នុងហេតុការណ៍ រថភ្លើងដឹកអ្នកដំណើរបុករថយន្ដដឹកទំនិញធុនតូចមួយគ្រឿងកាលពីនៅ ថ្ងៃអង្គារនាទីក្រុង Los Angeles រដ្ឋកាលីហ្វរញ៉ា ភាគនិរតីសហរដ្ឋអាមេរិក។នេះបើយោងតាមសារព័ត៌មាន Reuters ។
យោងតាម ក្រុមភ្នាក់ងារពន្លត់អគ្គីភ័យ ហេតុការណ៍គ្រោះថា្នក់នេះកើតឡើងនៅ ម៉ោងប្រមាណជា ១០ និង៤០នាទីព្រឹក (ម៉ោងនៅទីក្រុង L.A សហរដ្ឋអាមេរិក) នៅឯតំបន់ Sun Valley នៃទីក្រុង Los Angeles។
ប្រភពដដែលបញ្ជាក់ថា ក្នុងរថភ្លើងនោះមានមនុស្សជិះប្រមាណ២០០នាក់។
មនុស្ស២១ នាក់ត្រូវបានបញ្ជូន ទៅកាន់មន្ទីពេទ្យនៅក្នុងតំបន់ ខណៈអ្នកបើកបរ រថយន្ដដឹកទំនិញ មិនបានរងរបួសអ្វីនោះទេ។ ទោះជាយ៉ាងណាសមត្ថកិច្ចកំពុងបើកការស៊ើប អង្កេតរកដើមហេតុពិតប្រាកដនៅឡើយ៕
