ឥណ្ឌាណែនាំឲ្យភ្ញៀវទេសចរ កុំស្លៀកខ្លី ខណៈករណីរំលោភកើតឡើង
សារព័ត៌មាន Cambodia News/
ឥណ្ឌា (០១ កញ្ញា ២០១៦) ៖ ប្រភពពី Dailymail ចេញផ្សាយ កាលពីថ្ងៃម្សិលមិញ រដ្ឋមន្ត្រីក្រសួងទេសចរណ៍នៃប្រទេសឥណ្ឌា បានណែនាំឲ្យភ្ញៀវទេសចរស្រីៗ កុំឲ្យស្លៀកសំពត់ រ៉ូប ឬ សំពត់ខ្លី ឬដើរតែម្នាក់ឯងនៅពេលយប់ នៅតាមក្រុងតូចៗឡើយ ដើម្បីធានាសុវត្ថិភាពផ្ទាល់ខ្លួន ស្របពេលដែលប្រទេសនេះកំពុងមមាញឹកខ្លាំងលើការដោះស្រាយបញ្ហា ចាប់រំលោភសេពសន្ថវៈលើស្ត្រីជាក្រុម។
លោក Mahesh Sharma ថា លោកបានពិភាក្សាគ្នាអំពីសន្តិសុខសុវត្ថិភាពរបស់ភ្ញៀវទេសចរ នៅឯភាគខាងជើងនៃទីក្រុង Agra កាលពីថ្ងៃអាទិត្យ ទី២៨ ខែសីហា ឆ្នាំ២០១៦ កន្លងទៅនេះ។ លោកបាននិយាយថា ភ្ញៀវទេសចរបរទេស ដែលមកកាន់ប្រទេសឥណ្ឌា ទទួលបានលិខិតស្វាគមន៍ រួមបញ្ចូលទាំងដំបូន្មានសុវត្ថិភាពសម្រាប់មនុស្សស្រីផងដែរ៕
