ក្តីស្រមៃរបស់ អ្នកនាង គង់ សុជាតិ និងស្វាមី បានសម្រេចហើយ
សារព័ត៌មាន Cambodia News/
កម្សាន្ត (៣០ សីហា ២០១៦) ៖ នៅពេលនេះក្តីស្រមៃ ចង់បានកូនជាតំណក់ឈាម ដើម្បីរឹតចំណងស្នេហ៍ ឲ្យកាន់តែផ្អែមល្ហែម របស់ពិធីការិនីស្រីល្បីឈ្មោះច្រើនឆ្នាំ អ្នកនាង គង់ សុជាតិ និង ស្វាមី លោក ជា វិបុល បានក្លាយជាការពិតហើយ ដោយសារតែពេលនេះ អ្នកនាងកំពុងតែពពោះកូនស្រី ដែលមានអាយុ ១៨សប្តាហ៍ និង៥ថ្ងៃ។
អ្នកនាង គង់ សុជាតិ បានឲ្យដឹងថា អ្នកនាងមានផ្ទៃពោះកូនស្រីតាមក្តីស្រមៃហើយ កូនស្រីម្នាក់នេះធ្វើឲ្យ អ្នកនាងនិងស្វាមី រឹតតែមានសុភមង្គល ព្រោះថាបំណងប្រាថ្នារបស់អ្នកនាង និងស្វាមី គឺចង់បានកូនដែល ជាដំណក់ឈាមរួមគ្នា ។ ហើយពេលនេះអ្នកនាង កំពុងតែខិតខំថែរក្សាសុខភាព ហើយក៏កាត់បន្ថយការងារ ដើម្បីកូនក្នុងផ្ទៃផងដែរ ។
ដោយឡែកទាក់ទង ពេលវេលាសម្រាលវិញ គឺប្រហែលជាអាចពាក់កណ្តាល ខែមករាឆ្នាំ២០១៧ខាងមុខនេះ ដោយអ្នកនាងជ្រើសរើសសម្រាលកូន នៅក្នុងស្រុកមិនចេញក្រៅប្រទេសទេ ៕
