គ្រោះថ្នាក់ចរាចរណ៍ថ្ងៃទី២២សីហា ស្លាប់៤នាក់រងរបួស ៩នាក់
សារព័ត៌មាន Cambodia News/
ភ្នំពេញ (២៣ សីហា ២០១៦) ៖តាមរបាយការណ៍ពីនាយកដ្ឋាននគរបាលចរាចរណ៍និង សណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានបញ្ជាក់ឲ្យ ដឹងថានៅថ្ងៃទី២២ខែសីហាឆ្នាំ២០១៦មានករណីគ្រោះថ្នាក់ចរាចរណ៍នៅ ទូទាំងប្រទេសកើតឡើងចំនួន៨លើកបណ្តាលឲ្យមនុស្សស្លាប់៤នាក់ រងរបួសធ្ងន់៧នាក់ និងរបួសស្រាល២នាក់។
របាយការណ៍ដដែលបាន ឲ្យដឹងទៀតថាគ្រោះថ្នាក់ចរាចរណ៍ទាំង៨លើកនេះបណ្តាលឲ្យខូចខាត យានយន្តសរុបចំនួន១៤គ្រឿងរួមមានម៉ូតូចំនួន៨គ្រឿងរថយន្តធុនតូច ចំនួន២គ្រឿងរថយន្តធុនធំចំនួន៣គ្រឿងយានផ្សេងៗចំនួន១គ្រឿងនិង អ្នកថ្មើរជើងមួយនាក់។មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍រួមមានល្មើសល្បឿន២លើកប្រជែងគ្រោះថ្នាក់២លើកបត់ គ្រោះថ្នាក់២លើកមិនគោរពសិទ្ធិ២លើក ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៧នាក់។
ចំពោះលទ្ធផលត្រួតពិនិត្យអនុវត្តច្បាប់ចរាចរណ៍ ផ្លូវគោកនៅថ្ងៃទី២២ ខែសីហា ឆ្នាំ២០១៦ ឃើញថា យានយន្តដែលល្មើសសរុប ទូទាំងប្រទេសមាន ចំនួន២.១៧៩គ្រឿង ក្នុងនោះបានធ្វើការអប់រំចំនួន៨៩៧គ្រឿង និងពិន័យសរុប ចំនួន១.២៨២គ្រឿង៕
