ពិភពលោកកំពុងរំជួលចិត្តយ៉ាងខ្លាំង ចំពោះក្មេងប្រុសស៊ីរីម្នាក់
សារព័ត៌មាន Cambodia News/
អន្តរជាតិ (១៩ សីហា ២០១៦) ៖ រូបថត១សន្លឹកបានអង្រ្គួនបេះដូងអ្នកលេងអ៊ីនធើរណេត ឲ្យក្តុកក្តួលអារម្មណ៍ស្ទើរស្រក់ទឹកភ្នែក ខណៈបានឃើញរូបថតរបស់ក្មេងប្រុសស៊ីរីម្នាក់ ដែលបានរងរបួសពេញខ្លួន ដោយសារលទ្ធផលនៃភ្លើងសង្គ្រាមដ៏រ៉ាំរ៉ៃច្រើនឆ្នាំមកនេះ ។
យោងតាមប្រភពព័ត៌មាន បានឲ្យដឹងថា ក្មេងប្រុសឈ្មោះ Omran Daqneesh អាយុ ៥ ឆ្នាំ ត្រូវបានបញ្ជូនទៅកាន់មន្ទីរពេទ្យទាំងរបួសពេញខ្លួនប្រាណ ក្រោយរូបគេរងទទួលពីការវាយប្រហារតាមដែនអាកាស នៅក្នុងទីក្រុង Aleppo កាលពីថ្ងៃទីពុធ កន្លងទៅនេះ ។
ប្រភពបន្តថា Omran Daqneesh គឺជាក្មេងប្រុសម្នាក់ ក្នុងចំណោមក្មេងប្រុស ៥ នាក់ ផ្សេងទៀត ដែលត្រូវបានរងរបួស ដោយការវាយប្រហារតាមដានអាកាសទៅលើរបប Bashar al-Assad នៅក្នុងតំបន់ជិតខាង Qterji នៃទីក្រុង Aleppo ៕
