ចោរប្លន់ទូរស័ព្ទម្សិលមិញបាញ់សម្លាប់ខ្លួនឯងក្នុងបន្ទប់ទឹក (មានវីដេអូ)
សារព័ត៌មាន Cambodia News/
ភ្នំពេញ (១៩ សីហា ២០១៦) ៖ ជនសង្ស័យ ដែលបានធ្វើសកម្មភាព ភ្ជង់ប្លន់ទូរស័ព្ទដៃអស់ចំនួន៧គ្រឿងពីហាងលក់ទូរស័ព្ទដៃ “លឹម ហាវ” ទាំងកណ្តាលថ្ងៃត្រង់ម្សិលមិញ ឥលូវនេះបានបាញ់សម្លាប់ខ្លួននៅក្នុងបន្ទប់ទឹកនាព្រឹកថ្ងៃទី១៩ ខែសីហា ឆ្នាំ២០១៦នេះ។
ការបាញ់សម្លាប់ខ្លួនឯងនេះ បន្ទាប់ពីមានការឡោមព័ទ្ធចាប់ខ្លួនពីក្រុមសមត្ថកិច្ច ដែលប្រតិបត្តិការឡោមព័ទ្ធចាប់នេះធ្វើឡើងនៅសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
សមត្ថកិច្ចបានឲ្យដឹងថា ពេលកម្លាំងសមត្ថកិច្ចត្រៀមចូលទៅចាប់ខ្លួនជនសង្ស័យ ស្រាប់តែលឺសម្លេងស្នូរកាំភ្លើង ហើយពេលចូលទៅមើល ក៏ប្រទះឃើញជនសង្ស័យស្លាប់បាត់បង់ជីវិត ដោយមានឈាមប្រឡាក់ពេញខ្លួន៕
