រដ្ឋាភិបាលសម្រេចប្រគល់ដីឃ្លាំងរដ្ឋ ជូនពលរដ្ឋជាច្រើនគ្រួសារនៅតាកែវ
សារព័ត៌មាន Cambodia News/
ភ្នំពេញ ៖ ដីដែលជាកម្មសិទ្ធិ ស្ថិតនៅក្រោមការគ្រប់គ្រងរបស់មន្ទីរពាណិជ្ជកម្ម ខែត្រ តាកែវ ត្រូវបាន រដ្ឋាភិបាលសម្រេចប្រគល់ និង ចេញប័ណ្ណកម្មសិទ្ធិឱ្យពលរដ្ឋ ៣១ គ្រួសារគ្រប់គ្រងជាកម្មសិទិ្ធផ្ទាល់ខ្លួន
នេះបើតាមសេចក្ដីជូនដំណឹងរបស់ទីស្ដីការគណៈរដ្ឋមន្ត្រីចេញផ្សាយឱ្យដឹង ហើយដែល ទទួលបាននៅថ្ងៃទី១៨សីហានេះ។
ប្រភពដដែលឱ្យដឹងទៀតថា ការប្រគល់កម្មសិទ្ធិដីជូនពលរដ្ឋ ៣១ គ្រួសារនៅខែត្រតាកែវនេះ គឺយោងតាមប្រសាសន៍ណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលបានថ្លែងក្នុងពិធីជួបសំណេះសំណាលជាមួយមន្ត្រីរាជការ នៅ ខែត្រ តាកែវ កាលពីថ្ងៃ ១៦ សីហាកន្លងមក។
សេចក្ដីជូនដំណឹងដដែល ក៏តម្រូវឱ្យក្រសួងសេដ្ឋកិច្ច និង ហិរញ្ញវត្ថុ លុបដីឃ្លាំងដែលស្ថិតនៅក្រោមការគ្រប់គ្រងរបស់មន្ទីរពាណិជ្ជកម្ម ខែត្រតាកែវ ចេញពីបញ្ជីសារពើភ័ណ្ឌរបស់រដ្ឋ ផងដែរ៕
