បេក្ខជនប្រព្រឹត្តផ្ទុយ នឹងបទប្បញ្ញត្តិ ពុំអនុញ្ញាតឲ្យប្រឡង
– មិនត្រូវយកចូល ក្នុងមណ្ឌលប្រឡង ឬបន្ទប់ប្រឡងនូវសៀវភៅ សំណៅឯកសារគ្រប់រូបភាព កាតាប កាបូបយួរដៃ ថង់ សំពៀត កញ្ចប់ផ្សេងៗ និងទឹកលុយពណ៌ស។
– មិនត្រូវយកចូលក្នុងមណ្ឌលប្រឡង ឬបន្ទប់ប្រឡងនូវទូរស័ព្ទដៃ ឧបករណ៍អេឡិចត្រូនិក គ្រប់ប្រភេទ ប្រដាប់គិតលេខ និងនាឡិកាដៃ ដែលអាចគិតលេខបាន។
– មិនត្រូវធ្វើ ចម្លើយវិញ្ញាសា នៅលើសន្លឹកកិច្ចការណា ដែលគ្មានហត្ថលេខាអនុរក្ស មិនត្រូវប្តូរសន្លឹកកិច្ចការ ឬក្រដាសព្រាង ឬផ្ទៀងផ្ទាត់ចម្លើយ ឬចម្លងគ្នា។
– មិនត្រូវឲ្យអ្នកដទៃប្រឡងជំនួស។ក្រសួងអប់រំ ក៏បានប្រកាសប្រាប់ ដល់បេក្ខជន ដែលមានសិទ្ធិប្រឡង សញ្ញាបត្រទុតិយភូមិ បន្តទៀតថា ៖
១. ក្នុងករណីបេក្ខជន ពុំព្រមប្រគល់សៀវភៅ ឬសំណៅឯកសារ ឲ្យគណៈមេប្រយោគ បេក្ខជននោះ ពុំអនុញ្ញាតឲ្យចូលប្រឡងជាដាច់ខាត ហើយត្រូវបានកំណត់ឲ្យធ្លាក់។
២.បេក្ខជនណា ដែលបានប្រព្រឹត្តសកម្មភាព ដូចមានក្នុងចំណុច II.១ បេក្ខជននោះ នឹងបានពិន្ទុសូន្យ ចំពោះវិញ្ញាសានោះ និងត្រូវបញ្ឈប់មិនឲ្យប្រឡង បន្តទៅទៀត ក្នុងសម័យប្រឡងនេះ។
៣.មិនអនុញ្ញាតឲ្យចូលប្រឡង ចំពោះបេក្ខជន ដែលមកដល់មណ្ឌលប្រឡង ក្រោយជួងទីពីរ ដោយចេតនា ឬដោយធ្វេសប្រហែស និងត្រូវបានពិន្ទុសូន្យ ចំពោះករណីផ្ទុយនឹងបទប្បញ្ញត្តិ និងកម្រិតវិន័យ។
៤. ត្រូវបានកំណត់ឲ្យធ្លាក់ និងផ្អាកមិនឲ្យប្រឡង មួយឆ្នាំបន្ទាប់ ចំពោះបេក្ខជន ដែលមានសកម្មភាព ផ្ទុយនឹងបទប្បញ្ញត្តិ និងកម្រិតវិន័យ ត្រង់ចំណុច III.២ ដូចជាផ្លាស់ ឬប្ដូរកន្លែងអង្គុយ ។
៥. ត្រូវបានកំណត់ឲ្យធ្លាក់ និងផ្អាកមិនឲ្យប្រឡងពីរឆ្នាំបន្ទាប់ ចំពោះបេក្ខជន ដែលមានសកម្មភាពផ្ទុយ នឹងបទប្បញ្ញត្តិ និងកម្រិតវិន័យ ត្រង់ចំណុច III.៣ ដូចជាឲ្យអ្នកដទៃមកប្រឡងជំនួស ។
៦.ចំពោះ បេក្ខជន ដែលបង្កឲ្យខូចរបៀបរៀបរយ ក្នុងការប្រឡង នឹងត្រូវលុបឈ្មោះចេញ ពីគ្រឹះស្ថានសិក្សារបស់ខ្លួន រួចបញ្ជូនទៅស្ថាប័នមានសមត្ថកិច្ច ដើម្បីដោះស្រាយ តាមផ្លូវច្បាប់ជាធរមាន៕
