ខឹងខាងស្រីមានក្លិនខ្លួនស្អុយពេក វាយហើមមុខមាត់
សារព័ត៌មាន Cambodia News/
ពោធិ៍សាត់ ( ១៥ សីហា ២០១៦) ៖ បុរសម្នាក់ត្រូវបានសមត្ថកិច្ចឃាត់ខ្លួន ករណីហិង្សាដោយចេតនា បន្ទាប់ពីជនរូបនេះ បានវាយនារីរងគ្រោះដោយដៃ ហើមមុខហើមមាត់រងរបួសធ្ងន់ ដោយសារនារីរងគ្រោះ មានក្លិនខ្លួន លាយឡំជាមួយក្លិនលាមក។
នគរបាលរដ្ឋបាលប៉ុស្តិ៍ផ្ទះព្រៃ បានឲ្យដឹងថា ជនសង្ស័យដែល ត្រូវបានឃាត់ខ្លួន មានឈ្មោះ ថន ថៃ ភេទប្រុស អាយុ២៨ឆ្នាំ ដោយឡែកនារីរងគ្រោះ មានឈ្មោះ ទិត្យ សំរួន ភេទស្រី អាយុ២៨ឆ្នាំ ដូចគ្នា អ្នកទាំងពីររស់ភូមិគក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។
នគរបាលរដ្ឋបាលប៉ុស្តិ៍ផ្ទះព្រៃ បានបន្តថា ជនសង្ស័យ និងនារីរងគ្រោះរស់នៅជាមួយគ្នា និងដេកនៅជាមួយគ្នា នៅយប់ថ្ងៃកើតហេតុថ្ងៃទី១២ ខែសីហា ឆ្នាំ២០១៦ ជនសង្ស័យបានផឹកស្រាស្រវឹង ហើយបានមក ណែបនិតនារីរងគ្រោះតែដោយសារនារីរងគ្រោះក្លិនខ្លួន ជនសង្ស័យបានវាយនារីគ្រោះបណ្តាយឲ្យហើមមុខហើមមាត់រងរបួសធ្ងន់៕
