ស្តេចថៃ យាងចូលមន្ទីរពេទ្យ ដោយសារជំងឺគ្រុនក្តៅ និងអាចមានមេរោគក្នុងឈាម
សារព័ត៌មាន Cambodia News/
ថៃ (០៣ សីហា ២០១៦) ៖ ព្រះមហាក្សត្រថៃ ព្រះបាទ ភូមិបុល អាប់ឌុលយ៉ាដេត ដែលមានព្រះជន្មាយុ ៨៨វស្សាទៅហើយនោះ ត្រូវបានក្រុម គ្រូពេទ្យធ្វើការព្យាបាលអាការៈរោគ គ្រុនក្តៅ និង អាចមានមេរោគក្នុងឈាមព្រះអង្គថែមទៀតផង។ នេះបើយោងតាមសេចក្តីថ្លែងការណ៍របស់រាជវាំងថៃ ដែល Channel News Asia ដកស្រង់នាព្រឹកថ្ងៃអង្គារ ទី០២ ខែសីហា ឆ្នាំ២០១៦។
ក្រុមគ្រូពេទ្យថៃ តែងតែធ្វើការត្រួតពិនិត្យព្រះរាជសុខភាពរបស់ព្រះមហាក្សត្រ ជារៀងរាល់ខែហើយកាលពីខែមុននេះ ព្រះបាទ ភូមិបុល បានទទួលការព្យាបាលនៅផ្នែកឆ្អឹងខ្នង។ ព័ត៌មានស្តីសុខភាពរបស់ព្រះមហាក្សត្រថៃ ត្រូវបាន ប្រជាជនថៃទាំងអស់ធ្វើការតាមដានយ៉ាងលម្អិតបំផុត ក៏ព្រោះតែពួកគេគោរពស្រឡាញ់ព្រះមហាក្សត្រស្មើនឹងជីវិត៕ ប្រភព៖ freshnewsasia
