ក្រោយការវាយប្រហារក្នុងទីក្រុងម៉ូនិច ពិធីអុជទៀនគោរពវិញ្ញាណក្ខន្ធអ្នកស្លាប់ត្រូវបានធ្វើឡើង
សារព័ត៌មាន Cambodia News/
អាល្លឺម៉ង់ (២៥ កក្កដា ២០១៦) ៖ ពិធីអុជទៀនត្រូវបានធ្វើឡើងក្នុងទីក្រុង Munich ខណៈការកំណត់អត្តសញ្ញាណ នៃជនរងគ្រោះបាត់បង់ជីវិតដោយខ្មាន់កាំភ្លើងជាយុវជនម្នាក់ ចាប់ផ្ដើមធ្វើឡើង។
កាលពីថ្មីៗនេះឪពុករបស់ជនរងគ្រោះ បានទៅកាន់កន្លែងកើតហេតុនៅមជ្ឈមណ្ឌល Olympia shopping centre ដើម្បីកាន់ទុក្ខកូនប្រុសរបស់លោក គ្រាដែលមនុស្ស ម្នារផ្សេងទៀតបានគោរពវិញ្ញាណក្ខន្ធដល់មិត្តភ័ក្ត្រ និងមនុស្សជាទីស្រឡាញ់របស់គេ បានបាត់បង់ជីវិតក្នុងវិនាសកម្មដែលបណ្ដាលឲ្យមនុស្ស ៩នាក់បាត់បង់ជីវិត ភាគច្រើននៃពួកគេជាយុវជន។
ការិយាល័យឧក្រិដ្ឋកម្មរដ្ឋបាវ៉ារៀនបាននិយាយថា ខ្មាន់កាំភ្លើងដែលធ្វើសកម្មភាពតែម្នាក់ឯង សម្លាប់មនុស្សចំនួន ៩នាក់ក្នុងទីក្រុងម៉ូនិចនេះ បានរៀបគម្រោងវាយប្រហាររយៈពេលមួយឆ្នាំមកហើយ។ រីឯអាវុធដែលគេប្រើធ្វើសកម្មភាពបានទិញតាមអនឡាញ។ ឃាតករ ម្នាក់ឯងអាយុ 18ឆ្នាំរូបនេះមានឈ្មោះនៅក្នុងរបាយការណ៍ថា Ali Sonboly ជនជាតិអាល្លឺម៉ង់សញ្ជាតិដើមអ៊ីរ៉ង់៕
