ចិនត្រៀមខ្លួនប្រឈមគ្រោះធម្មជាតិទឹកជំនន់ និងភ្លៀងធ្លាក់ខ្លាំង
សារព័ត៌មាន Cambodia News/
ចិន (២១ កក្កដា ២០១៦) ៖ ចាប់ពី តំបន់ភាគខាងត្បូងដល់តំបន់ភាគខាងជើងនៃប្រទេសចិន មានភ្លៀងធ្លាក់ដ៏ខ្លាំងដែលមិនធ្លាប់មានពីមុនមកដោយបង្កឱ្យមាន ទឹកជំនន់និងបំណាក់ដីនិងបាត់បង់ជីវិតមនុស្សច្រើន។
ប្រធានាធិបតីចិន លោក ស៊ី ជីនពីង បានអំពាវនាវឱ្យប្រទេសនេះត្រៀមខ្លួនដើម្បីទប់ទល់គ្រោះធម្មជាតិ ទឹកជំនន់ដែលត្រូវបានរំពឹងថានឹងកើតឡើងនៅតំបន់ទាំងឡាយនៅតាមបណ្តោយ ទន្លេធំៗក្នុងប្រទេសនេះ។
ការអំពាវនាវរបស់ប្រធានាធិបតី លោក ស៊ី ជីនពីង ត្រូវបានធ្វើឡើងកាលពីថ្ងៃពុធ ស្របពេលដែលតំបន់ភាគខាងជើងនៃប្រទេសចិនដែលកាលពីពេលមុនៗមាន ភាពរាំងស្ងួតធ្ងន់ធ្ងរនោះមានភ្លៀងធ្លាក់ខ្លាំងបំផុតក្នុងឆ្នាំនេះ ដោយបង្កឱ្យមានទឹកជំនន់និងបំណាក់ដី ដែលបានសម្លាប់មនុស្ស១៣នាក់និង៦២នាក់បានបាត់ខ្លួន៕
