សពលោកបណ្ឌិត កែម ឡី នឹងដង្ហែចេញពីវត្តចាស់នៅព្រឹកថ្ងៃទី១៧កក្កដា
សារព័ត៌មាន Cambodia News/
ភ្នំពេញ (១៥ កក្កដា ២០១៦) ៖ ប្អូនប្រុសបង្កើតរបស់លោកបណ្ឌិត កែម ឡី បានប្រាប់ឲ្យដឹងថា សពលោកបណ្ឌិត កែម ឡី នឹងដង្ហែចេញពីវត្តពោធិ៍យារាម ហៅវត្តចាស់ ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ នៅវេលាម៉ោង៧ព្រឹក ថ្ងៃទី១៧ ខែកក្កដា ឆ្នាំ២០១៦ ឆ្ពោះទៅស្រុក កំណើតរបស់លោកនៅក្នុងភូមិអង្គតាកប ឃុំលាយបូរ ស្រុកត្រាំកក់ ខេត្តតាកែវ ប៉ុន្តែមិនទាន់កំណត់ថ្ងៃបញ្ចុះនៅឡើយទេ ។
បើតាម ប្អូនប្រុសលោក កែម ឡី ដដែល ថា ពិធីបុណ្យ៧ថ្ងៃសពលោកបណ្ឌិតនឹងប្រព្រឹត្តទៅនៅថ្ងៃទី១៥កក្កដានេះ ហើយថា បច្ច័យបុណ្យសពដែលទទួលបានពីស្ថានទូត គណបក្សនយោបាយ សង្គមស៊ីវិល និងពលរដ្ឋបានប្រមាណ១០ម៉ឺនដុល្លារ និងបានយកទៅផ្ញើនៅធនាគារ ៕
