លោក ហ៊ុន សែន ក្រើនរំលឹកមន្ត្រីពាក់ព័ទ្ធចំពោះការទារភាស៊ីតាមផ្សារ
សារព័ត៌មាន Cambodia News/
ភ្នំ ពេញ(១៨ កុម្ភៈ ២០១៤)៖ ថ្លែងនៅក្នុងពិធីចែកសញ្ញាបត្រជ័យលាភីនិងវិញ្ញាបនបត្រដល់ សិស្ស មន្ត្រីជាន់ខ្ពស់ជំនាន់កំណែទម្រង់រដ្ឋ កាលពីព្រឹកថ្ងៃទី១៧ ខែកុម្ភៈ លោកនាយករដ្ឋមន្ត្រី ហ៊ុន សែន បានស្នើរឲ្យអភិបាលរាជធានីខេត្ត ក្រុងទូទាំងប្រទេស ត្រូវចុះត្រួតពិនិត្យឡើងវិញចំពោះ សកម្មភាពក្រុមអ្នកដើរទាភាស៊ីតាមផ្សារ។
លោក ហ៊ុន សែន បានបញ្ជាក់ថា នៅតាមផ្សារខ្លះមានក្រុមអ្នកដើរទាភាស៊ីទៅទាត់ កញ្ច្រែងលក់ដូររបស់ក្រុមប្រជាពលរដ្ឋនិង អាជីវករនាំឲ្យមានការរិះគន់មកលើរាជរដ្ឋាភិបាល និងអាជ្ញាធរយ៉ាងខ្លាំង។
ហេតុដូចនេះអភិបាលរាជធានី និងអភិបាលខេត្តទាំងអស់ត្រូវពិនិត្យមើលលើអ្នកដេញភាស៊ី តាមផ្សារទាំងអស់នោះឡើងវិញ។មិនតែប៉ុណ្ណោះ ការត្រួតពិនិត្យនេះត្រូវចាប់ផ្តើមអនុវត្តន៍មុនគេ នៅរាជធានីភ្នំពេញ៕
