សិស្សវិទ្យាល័យរាប់ពាន់នាក់ក្នុងរដ្ឋធានីសង់ទីយ៉ាហ្គោដង្ហែក្បួនប្រឆាំងនឹងប្រព័ន្ធអប់រំថ្មីរបស់រដ្ឋាភិបាល
សារព័ត៌មាន Cambodia News/
ឈីលី (០៦ ឧសភា ២០១៦) ៖ សិស្សថ្នាក់វិទ្យាល័យរបស់ប្រទេសឈីលី រាប់ពាន់នាក់បានដើរដង្ហែក្បួនពាសពេញដងផ្លូវ នៃរដ្ឋធានីសង់ទីយ៉ាហ្គោកាលពីថ្ងៃព្រហស្បតិ៍ម្សិលមិញ ដើម្បីតវ៉ាប្រឆាំងផែនការអប់រំរបស់រដ្ឋាភិបាល។
នគរបាលបានប្រើកាណុង បាញ់ទឹក ដើម្បីបញ្ឈប់ហ្វូងបាតុករដែលបានហែហមកាត់ដងផ្លូវនានា នៅខាងក្រៅរដ្ឋធានី ក្រោយគម្រោងមួយទាក់ទងនឹងប្រព័ន្ធអប់រំក្នុងប្រទេស ត្រូវបានអនុម័តដោយរដ្ឋាភិបាល។ ក្នុងខែធ្នូ 2015 កន្លងទៅ រដ្ឋសភារបស់ឈីលីបានអនុម័តច្បាប់ផ្តល់ឱកាស សម្រាប់ការអប់រំដល់សិស្សជាច្រើនដោយឥតគិតថ្លៃនៅសកលវិទ្យាល័យ។
វីធានការណ៍នេះគឺជាគោលការណ៍ នៃការសន្យាធ្វើកំណែទម្រង់របស់លោកស្រីប្រធានាធិបតី មីឈែល បាចាឡេត ហើយត្រូវគេរំពឹងថា នឹងជួយដល់សិស្សប្រមាណ ២សែននាក់ នៅតាមបណ្ដាគ្រឹះស្ថានអប់រំថ្នាក់សកលវិទ្យាល័យផ្សេងៗទូទាំងប្រទេស។ ប៉ុន្តែអ្នកតវ៉ានិយាយថា ផែនការនេះមិនល្មមគ្រប់គ្រាន់ទេ និងទាមទារឲ្យផ្ដល់ការសិក្សាដោយឥតគិតថ្លៃទាំងនៅថ្នាក់វិទ្យាល័យ និងសកលវិទ្យាល័យ៕
