(ប.ស.ស) អំពាវនាវដល់អ្នកបើកបរដឹកកម្មករឲ្យមានការប្រុងប្រយ័ត្នក្នុងឱកាសបុណ្យចូលឆ្នាំ
សារព័ត៌មាន Cambodia News/
ដោយ៖ ហេង នាង/
ភ្នំពេញ (៣១ មីនា ២០១៦) ៖ ក្រុមការងារសុវត្ថិភាពចរាចណ៍ផ្លូវគោកសម្រាប់គាំពារកម្មករ និយោជិតនៃបេឡាជាតិរបបសន្តិសុខសង្គម (ប.ស.ស) បានចេញសេចក្តីអំពាវនាវដល់អ្នកបើកបរដឹកជញ្ជូនកម្មករនិយោជិត ទាំងអស់ពេលធ្វើដំណើរទៅ និងពេលធ្វើដំណើរត្រឡប់ពីស្រុកកំណើរវិញ ត្រូវមានស្មារតីប្រុងប្រយ័ត្នខ្ពស់ និងសូមឲ្យធ្វើដំណើរប្រកបដោយសុវត្ថិភាពនៅក្នុងឱកាសបុណ្យចូល ឆ្នាំថ្មីខាងមុខនេះ។
លិខិត ចុះថ្ងៃទី២៩ ខែមីនា ឆ្នាំ២០១៦ របស់ក្រុមការងារសុវត្ថិភាពចរាចណ៍ផ្លូវគោកសម្រាប់គាំពារកម្មករ និយោជិតនៃបេឡាជាតិរបបសន្តិសុខសង្គម ដែលបានធ្វើការអំពាវនាវនោះបានបញ្ជាក់ថា ដើម្បីចូលរួមទប់ស្កាត់ និងកាត់បន្ថយគ្រោះថ្នាក់ចរាចណ៍ អ្នកបើកបរដឹកជញ្ជូនកម្មករនិយោជិតទាំងអស់ត្រូវអនុវត្តនូវវិធាន ការដូចជា៖ ត្រូវពាក់មួកសុវត្ថិភាពគ្រប់ពេល ដែលធ្វើដំណើរតាមម៉ូតូ ពាក់ខ្យែក្រវាត់ពេលបើកបររថយន្ត ឫធ្វើដំណើរតាមរថយន្ត កុំបើកបរហួសល្បឿនកំណត់ ជាពិសេសបើកបរកុំពិសាគ្រឿងស្រវឹងជាដើម៕
