សហភាពសហព័ន្ធយុវជនកម្ពុជា ប្រកាសជ្រើសរើស យុវជនស្ម័គ្រចិត្ត ៣១៥នាក់ ដើម្បីចូលរួមរៀបចំព្រឹត្តិការណ៏អង្គរសង្ក្រាន្តឆ្នាំ២០១៦
សារព័ត៌មាន Cambodia News/
ដោយ៖ ហេង នាង/
ភ្នំពេញ (១៩ កុម្ភៈ ២០១៦) ៖ សហភាពសហព័ន្ធយុវជន កម្ពុជាបានចេញសេចក្តីជូនដំណឹងមួយស្តីពីការជ្រើសរើស យុវជនស្ម័គ្រ ចិត្តក្នុងការរៀបចំព្រឹត្តិការណ៏អង្គរសង្ក្រាន្តឆ្នាំ២០១៦ ចំនួន ៣១៥នាក់ ដើម្បីចូលរួមរៀបចំព្រឹត្តិការណ៍នេះ ដែលប្រព្រឹត្តិទៅនៅឯឧទ្យានអង្គរ ខេត្តសៀមរាប ចាប់ពីថ្ងៃទី ១៣ ដល់ថ្ងៃទៅ១៦ ខែមេសា ឆ្នាំ២០១៦ ខាងមុខនេះ។
លក្ខខណ្ឌក្នុងការជ្រើសរើសមានដូចជា៖
១. ត្រូវមានអាយុចាប់ពី ១៨ឆ្នាំឡើងទៅ។
២. ធ្លាប់មានបទពិសោធន៍ធ្វើការស្ម័គ្រចិត្តក្នុងការងារសង្គម។
៣. មានភាពរួសរាយរាក់ទាក់ និងទំនាក់ទំនងការងារល្អ។
៤. មានអត្តចរិតស្លូតបូត សុភាពរាបសា និងមានកាយសម្បទាមាំមួន។
៥. យល់ព្រមទទួលយកតួនាទី និងភារកិច្ចតាមការកំណត់ និងមានទំនួលខុសត្រូវខ្ពស់លើការងារ។
៦. មានចំណាប់អារម្មណ៍ និងចំណេះដឹងផែ្នកវប្បធម៌ និងអរិយធម៌កាន់តែប្រសើរ។
៧. អ្នកចូលរួមត្រូវមានពេលវេលាគ្រប់គ្រាន់ក្នុងការជួយរៀបចំទាំងមុន និងកំឡុងពេលព្រឹត្តិការណ៍។
ការចូល រួមរបស់យុវជនស្ម័ត្រចិត្ត នឹងទទួលបានឱកាលមួយដ៏ប្រសើរក្នុងការពង្រឹង និងពង្រីកបទពិសោជន៍ផ្ទាល់លើការងារស្ម័ត្រចិត្ត និងអាចស្វែងយល់បន្ថែមពីវប្បធម៌ អរិយធម៌ ទំនៀមទម្លាប់ ប្រពៃណី សាសនា ក៏ដូចជាបានចូលរួមកម្សាន្តសប្បាយជាមួយនឹងផ្ទាំងទស្សនីភាពសិល្បៈ និងល្បែងរបាំងប្រជាប្រិយខ្មែរ។
ចំពោះយុវជន ដែលស្ម័ត្រចិត្តចូលរួមជាក្រុមការងារនឹងត្រូវបានផ្តល់ជូននូវ ការឧបត្ថមការស្នាក់នៅ អាហារពេលបំពេញការងារ មធ្យោបាយធ្វើដំណើរ សម្ភារៈចាំបាច់សម្រាប់បំពេញការងារ វត្ថុអនុស្សវរីយ៍ រូមទាំងលិខិតថ្លែងអំណរគុណផងដែរ៕
