សម្តេច ហ៊ុន សែន ទទួលសំណើរ ពីពលរដ្ឋ តាម Facebook ពាក់ពន្ធ័ ការបញ្ចុះ តម្លៃ ធ្វើប័ណ្ណបើកបរ

សារព័ត៌មាន​​​ Cambodia News/

ភ្នំ​ពេញ​ (៣០ ធ្នូ​ ២០១៥) ៖ សម្តេច តេជោ នាយករដ្ឋមន្ត្រី នៃព្រះរាជាណាចក្រ កម្ពុជា បានធ្វើការ បង្ហោះសារ នៅលើទំព័រ Facebook របស់សម្តេចថា៖ សម្តេចនឹងទទួលយកការសំណូមពរ ពីប្រជាពលរដ្ឋតាម Facebook ស្នើរសុំ អោយសម្តេច ជួយបញ្ចុះតម្លៃ ធ្វើប័ណ្ណបើកបរ។

ក្នុងនោះដែរ សម្តេចបានមានប្រសាសន៍ថា សម្តេចបាន បញ្ជាឱ្យរដ្ឋមន្ត្រី ក្រសួងសាធារណការនិងដឹកជញ្ជូន ផ្អាកនូវដំណើការនេះដើម្បីប្រជុំជាមួយស្ថាប័នពាក់ពន្ធ័ រកដំណោះ ស្រាយសមស្របជូនប្រជាជនយើង ហើយ ក៏បានបញ្ជាទៅរដ្ឋមន្ត្រី ក្រសួងសេដ្ឋកិច្ចនិងហិរញ្ញវត្ថុ ពិភាក្សាជាមួយរដ្ឋមន្ត្រីនៃស្ថាប័នពាក់ព័ន្ធដើម្បីបញ្ចុះតម្លៃនិងលុបចោលការចំណាយរបស់ ប្រជាជនដែលជាការនាំឱ្យខាតបង់ប្រាក់កាស របស់ប្រជាជនផងដែរ។

ក្នុងនោះសំណើរ របស់ពលរដ្ឋតាម Facebook ផ្ញើរជូនសម្តេច មានអត្ថន័យដូចតទៅ៖ សំណូមពររបស់ប្រជាពលរដ្ឋតាមរយៈទំព័រ Facebook របស់សម្តេចតេជោ ហ៊ុន សែន៖ – ជំរាបសួរលោកពូក្មួយចង់សួរពីររឿងលោកពូ រឿងធ្វេីបណ្ណបេីកបរម៉ូតូ ហេតុអីក៏ថ្លៃម៉េស រហូតដល់ 30$ តែឡាន 35$ ហេីយបណ្ណបេីកបរក្មួយមានហេីយ តែផុតកំណត់ចឹងក្មួយចង់ប្តូរថ្មី គ្រាន់តែប្តូរថ្មីអស់រហូត់ដល់ 30$ ហេីយគ្រួសារក្មួយត្រូវប្តូរច្រើនគ្នា បេីចឹងអស់លុយច្រេីនណាស់ បេីធ្វេីថ្មីមិនអីទេ តែនេះគ្រាន់ប្តូរថ្មីហ្នឹង ក្មួយចង់សំុណូមពរលោកពូ ហេីយដាក់តម្លៃណាមួយ ដែលសមរម្យសម្រាប់អ្នកប្តូរ នឹងអ្នកធ្វេីថ្មីថា ត្រូវដាក់ក្នុងតម្លៃណាមួយ។ សម្រាប់អ្នកប្តូរថ្មី 30$ថ្លៃណាស់។ ព្រោះថ្លៃពេកចឹងពេលខ្លះអ្នកក្រគ្នាគ្មានលទ្ធភាពធ្វេីទេ សុំអរគុណលោកពូ៕