ស្លាប់ ១២នាក់ រងរបួស៣៧នាក់ ក្នុងគ្រោះថ្នាក់ចរាចរណ៍ថ្ងៃទី៩ ខែវិច្ឆិកា
សារព័ត៌មាន Cambodia News/
ភ្នំពេញ (១០ វិច្ចិកា ២០១៥) ៖ មនុស្ស១២នាក់បានស្លាប់ ១៨នាក់រងរបួសធ្ងន់ និង១៩នាក់រងរបួសស្រាល ក្នុងគ្រោះថ្នាក់ចរាចរណ៍ ទូទាំងប្រទេសថ្ងៃទី៩ ខែវិច្ឆិកា ឆ្នាំ២០១៥ ម្សិលមិញ ។ នេះបើតាមរបាយការណ៍ គ្រោះថ្នាក់ចរាចរណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។
ក្នុងគ្រោះថ្នាក់ចរាចរណ៍ទាំង១៦លើកនេះ បានបង្កឲ្យខូចខាតម៉ូតូចំនួន១៨គ្រឿង រថយន្តធុនតូច៣គ្រឿង រថយន្តធុនធំ៣គ្រឿង យានផ្សេងៗ១គ្រឿង ថ្មើរជើង១នាក់ ហើយមូលហេតុដែលបណ្តាល ឲ្យមានគ្រោះថ្នាក់រួមមាន ល្មើសល្បឿន៨លើក ស្រវឹង១លើក មិនគោរពសិទ្ធិ២លើក ប្រជែងគ្រោះថ្នាក់១លើក មិនប្រកាន់ស្តាំ១លើក ក្នុងនោះអ្នកមិនពាក់មួកពេលគ្រោះថ្នាក់មានចំនួន២១នាក់៕
