អ្នកលេងហ្វេសប៊ុក ខឹងក្រុមហ៊ុន Air Asia ដោយសារដាក់រូប ផ្សារធំថ្មី ថានៅប្រទេសវៀតណាម

សារព័ត៌មាន​ Cambodia News​/

ហ្វេសប៊ុក (១៦ តុលា ២០១៥) ៖ កាលពីពេលថ្មីៗនេះ អ្នកនិយមលេងហ្វេសប៊ុកជាច្រើន នៅក្នុងប្រទេសកម្ពុជា មានការខឹងសម្បារ នឹងក្រុមហ៊ុន Air Asia Myanmar យ៉ាងខ្លាំង ដោយសារតែ ផ្សាយរូបភាពផ្សារធំថ្មី របស់កម្ពុជា ហើយបែរជាដាក់ថា នៅទីក្រុង Ho Chi Minh ប្រទេសវៀតណាមទៅវិញ។

គេឃើញមាន Comments រិះគន់យ៉ាងច្រើន នៅលើរូបភាពនោះ ដោយមានអ្នកខ្លះហួសចិត្ត មិននឹកស្មានក្រុមហ៊ុនអាកាសចរណ៍ ដ៏ធំមួយនេះ បែរជាបង្កើតកំហុសបែបនេះ ហើយមានអ្នកខ្លះ ស្នើរសុំអោយក្រុមហ៊ុន Air Asia ធ្វើការសុំទោស ជាសាធារណៈ ចំពោះកំហុសឆ្គងរបស់ខ្លួន ថែមទៀតផង៕