ក្រសួងយុត្ដិធម៌បញ្ជាក់ថា គ្មានការដោះលែងអ្នកទោសនៅក្នុងថ្ងៃភ្ជុំបិណ្ឌនោះទេ
សារព័ត៌មាន Cambodia News/
ភ្នំពេញ (២៩ កញ្ញា ២០១៥) ៖ មន្ដ្រីអ្នកនាំពាក្យ ក្រសួងយុត្តិធម៌ បានបញ្ជាក់ថា ក្រសួងគ្មានផែនការដោះលែងអ្នកទោស និងបន្ធូរបន្ថយទោសដល់ទណ្ឌិតនៅក្នុងឱកាសបុណ្យភ្ជុំបិណ្ឌនោះទេ ប៉ុន្ដែការដោះលែងត្រូវធ្វើឡើងតែក្នុងពិធីបុណ្យជាតិធំៗចំនួនបី ប៉ុណ្ណោះក្នុងមួយឆ្នាំ។
ការដោះលែងនិងលើកលែងអ្នកទោសសម្រាប់បុណ្យភ្ជុំបិណ្ឌ មិនមានក្នុងគម្រោងប្រចាំឆ្នាំនោះទេ។ ប៉ុន្ដែការដោះលែង និងបន្ធូរបន្ថយទោសនេះមានតែពិធីបុណ្យធំៗចំនួនបីប៉ុណ្ណោះក្នុងនោះ គឺបុណ្យចូលឆ្នាំប្រពៃណីជាតិខ្មែរ បុណ្យអ៊ុំទូក អកអំបុក សំពះព្រះខែ និងបុណ្យពិសាខបូជា។ នេះជាការអះអាងរបស់លោក ជិន ម៉ាលីន អ្នកនាំពាក្យក្រសួងយុត្ដិធម៌៕
