រដ្ឋាភិបាលបានសម្រេចកំណត់យកថ្ងៃទី១១មីនា ជាទិវាជាតិអំណាន
សារព័ត៌មាន Cambodia News/
ភ្នំពេញ (១៧ កញ្ញា ២០១៥) ៖ រាជរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន បានសម្រេចកំណត់យកថ្ងៃទី១១ ខែមីនា ជារៀងរាល់ឆ្នាំ ជាទិវាជាតិអំណាន ដើម្បីបណ្តុះទម្លាប់អាន ជម្រុញវប្បធម៌អាន លើកកម្ពស់សមត្ថភាពអាន និងការតែងនិពន្ធរួមចំណែកការពារ និងពង្រឹងវប្បធម៌ខ្មែរ។
អនុក្រឹត្យរបស់រាជរដ្ឋាភិបាលកម្ពុជា ចេញផ្សាយនៅថ្ងៃទី១៦ ខែកញ្ញា ឆ្នាំ២០១៥ បានលើកឡើងថា គ្រប់ក្រសួង ស្ថាប័ន រដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិ វិស័យឯកជន និងគ្រឹះស្ថានសិក្សានានា ចូលរួមបំផុសមន្ត្រីរាជការ សិស្ស និស្សិត កម្មករ និយោជិត និយោជក កងកម្លាំងប្រដាប់អាវុធ និងប្រជាជន ដើម្បីបង្កើតស្មារតីប្រឡងប្រណាំងអាន និងតែងនិពន្ធ៕
