គ្រោះថ្នាក់ចរាចរណ៍ថ្ងៃទី១៩ សីហា របួសធ្ងន់ស្រាល ១២នាក់
សារព័ត៌មាន Cambodia News/
ភ្នំពេញ (២០ សីហា ២០១៥) ៖ នៅថ្ងៃទី១៩ ខែសីហា ឆ្នាំ២០១៥នេះ មានគ្រោះថ្នាក់ចរាចរណ៍ នៅទូទាំងប្រទេសចំនួន៥លើក យប់២លើក, បណ្តាលឲ្យមនុស្សរបួសធ្ងន់៧នាក់(ស្រីម្នាក់) និងរបួសស្រាល៥នាក់(ស្រី៤នាក់ )។
ក្នុងគ្រោះថ្នាក់ចរាចរណ៍ទាំង ៥លើកនេះ បានបង្កឲ្យខូចខាតយានយន្តសរុប១០គ្រឿង ក្នុងនោះមានម៉ូតូចំនួន៨គ្រឿង, រថយន្តធុនតូច១គ្រឿង, និងយានផ្សេង១គ្រឿង។
មូលហេតុដែលបណ្តាលឲ្យមានគ្រោះថ្នាក់រួមមាន ល្មើសល្បឿន៤លើក និងប្រជែងគ្រោះថ្នាក់១លើក។ ចំពោះអ្នកជិះម៉ូតូគ្រោះថ្នាក់ ដោយមិនបានពាក់មួកសុវត្ថិភាពចំនួន ១២នាក់(យប់៥នាក់)។
រថយន្តពិន័យសរុបចំនួន១,១៧៦គ្រឿង (រថយន្តធំ៣៣៦គ្រឿង) ស្មើនឹង១,១៩៦ករណី, ល្មើសក្រដាសស្នាមមាន ៩៣០គ្រឿង ស្មើនឹង៩៣០ករណី, ចំពោះករណីល្មើសបច្ចេកទេស២៤៦គ្រឿង ស្មើនឹង២៦៦ករណី ដោយឡែកម៉ូតូត្រូវបានពិន័យសរុបចំនួន ២.១៥០ គ្រឿង ៕ ប្រភព៖ អគ្គស្នងការដ្ឋាននគរបាលជាតិ
