ប៉ូលិសចរាចរណ៍ ខេត្តតាកែវ ព្រួតវាយអ្នកបើកឡាន ដែលមិនព្រមបង់លុយពិន័យ (មានវីដេអូ)
សារព័ត៌មាន Cambodia News/
តាកែវ (១០ សីហា ២០១៥) ៖ រូបភាពប៉ូលិសចរាចរណ៍ ខេត្តតាកែវ ព្រួតគ្នាវាយ និងទាញ់កាំភ្លើង AK គំរាមបាញ់អ្នកបើកឡាន ដែលមិនព្រមបង់លុយពិន័យ ត្រូវបានគេបង្ហោះ ក្នុងបណ្តាញសង្គមហ្វេសប៊ុក នាព្រឹកព្រលឹមថ្ងៃចន្ទ ទី១០សីហានេះ ធ្វើឲ្យមានការមតិរិះគន់យ៉ាងខ្លាំង។
ហេតុការណ៍ប៉ូលិសចរាចរណ៍ និងអ្នកបើកឡានវាយគ្នានោះ បានកើតឡើងកាលពីរសៀលថ្ងៃអាទិត្យ ទី៩ ខែសីហា ឆ្នាំ២០១៥ នៅទីរួមស្រុកត្រាំកក់ ខេត្តតាកែវ។ ប៉ូលិសចរាចរណ៍ បានវាយ និងដកកាំភ្លើង AK គំរាមបាញ់អ្នកបើកឡាន ព្រោះខឹងអត់ បង់លុយ មិនគ្រប់តាមការកំណត់របស់ក្រុមនគរបាល។ 
ប្រជាពលរដ្ឋ បានឲ្យដឹងថា ក្រុមប៉ូលិសចរាចរណ៍ទាំងនោះ បានដាក់ប៉ុស្តិ៍ត្រួតពិនិត្យ ដោយយកហេតុផលថា អនុវត្តច្បាប់ចរាចរណ៍ តែតាមពិត ប៉ូលិសបានកាក់រថយន្តយកលុយ ហើយកើតមានយូរហើយ ពោលដូចជា កុងត្រូលជជុះ គឺអ្នកធ្វើដំណើរឆ្លងកាត់ទីនោះ ពិសេសរថយន្តឈ្នួល ត្រូវប៉ូលិស ហៅឈប់ និងយកលុយរហូត៕
