ដើមអំពិលមួយដើមរលំសង្កត់លើម៉ូតូរបស់បុគ្គលិកធនាគារកាណាឌីយ៉ា ១០គ្រឿង
សារព័ត៌មាន Cambodia News/
ភ្នំពេញ (១០ សីហា ២០១៥) ៖ នៅម៉ោងជាង ០៩ៈ០០នាទីព្រឹក ថ្ងៃទី១០ ខែសីហា នេះ មានដើមអំពិលមួយដើមធំរលំសង្កត់លើម៉ូតូរបស់បុគ្គលិកធនាគារកាណាឌីយ៉ា ស្ថិតនៅតាមផ្លូវលេខ១៧៤ សង្កាត់វត្តភ្នំ ខណ្ឌដូនពេញ ខូចខាតអស់ចំនួន ១០គ្រឿង។
ក្នុងហេតុការណ៍នោះមិនបណ្តាលឱ្យមានមនុស្សគ្រោះថ្នាក់ទេ គ្រាន់តែខូចខាតម៉ូតូប៉ុណ្ណោះ ហើយក៏មិនបណ្តាលឱ្យមានការកកស្ទះចរាចរណ៍ដែរ ដោយសារដើមអំពិលនោះ មានឬសពុកផុយ និងងាយរលំនៅពេលដែលមានខ្យល់ម្តងៗ បានដួលរលំនៅលើចិញ្ចើមបណ្តោយផ្លូវ។
ពេលនេះអាជ្ញាធរសមត្ថកិច្ចកំពុងតែអន្តរាគមន៍ អារយកដើមអំពិល ដើម្បីយកដើមអម្ពិលនេះចេញ៕
