គ្រោះថ្នាក់ចរាចរណ៏ ថ្ងៃទី០៤សីហា ស្លាប់០៥ របួស១៦
សារព័ត៌មាន Cambodia News/
ភ្នំពេញ (០៥ សីហា ២០១៥) ៖ គ្រោះថ្នាក់ចរាចរណ៏ផ្លូវគោក នៅទូទាំងប្រទេស ដែលកើតមានឡើង នៅថ្ងៃទី០៤ ខែសីហា ឆ្នាំ២០១៥ មានចំនួន ០៨លើក(យប់ ០៥លើក) បណ្តាលឲ្យមនុស្សស្លាប់ ០៥នាក់(ស្រី០៣នាក់) របួសធ្ងន់ ០៨នាក់ (ស្រីម្នាក់) និងរបួសស្រាល ០៨នាក់ (ស្រី០៣នាក់)។នេះបើយោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
ក្នុងហេតុការណ៍គ្រោះថ្នាក់ចរាចរណ៍ទាំង ០៨លើកនេះ គឺគិតចាប់ពីម៉ោង១៣ៈ០០នាទី ថ្ងៃទី០៣ ដល់ម៉ោង១៣ៈ០០នាទី ថ្ងៃទី០៤សីហា បានបង្កឲ្យខូចខាតយានយន្តសរុបចំនួន ១៤គ្រឿង ក្នុងនោះមានម៉ូតូ ចំនួន ១២គ្រឿង រថយន្តធុនតូច ០១គ្រឿង រថយន្តធុនធំ ០១គ្រឿង និងថ្មើរជើងម្នាក់។
របាយការណ៍ដដែល បានបព្ជាក់ថាមូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ទំាងអស់នេះ បណ្តាលមកពីការបើកល្មើសល្បឿន ស្រវឹង ប្រជែងគ្រោះថ្នាក់ មិនប្រកាន់ស្តាំ មិនគោរពច្បាប់ចរាចរជាដើម៕
