រូបភាព១ សន្លឹករបស់លោក ហ៊ុន សែន ទាក់ទាញការចាប់អារម្មណ៍ខ្លាំងបំផុត
សារព័ត៌មាន Cambodia News/
ភ្នំពេញ (១៦ កក្កដា ២០១៥) ៖ តាមរយៈរូបភាព១សន្លឹក របស់លោកនាយករដ្ឋមន្ត្រីហ៊ុន សែន ដែលបានបង្ហោះពេញបណ្តាញសង្គមហ្វេសប៊ុក អមជាមួយនឹងសារថា៖ “គាត់គឺជាបុគ្គលដែលមើលឃើញច្រើន ជាងអ្នកដ៏ទៃមើលឃើញ” “គាត់ជាអ្នកមើលឃើញវែងឆ្ងាយ ជាងអ្នកដ៏ទៃ” “គាត់ជាអ្នកមើលឃើញមុនអ្នកដ៏ទៃ” “គាត់ជាបុគ្គលធ្វើដោយទឹកចិត្តស្រឡាញ់ ដោយបេះដូង សម្រាប់ប្រទេស របស់គាត់”។
រូបភាពនេះ បានធ្វើឲ្យរំជួលចិត្ត ព្រោះសារប៉ុន្មានឃ្លាខាងលើ ដែលហាក់បង្ហាញពី សកម្មភាពប្រឹងប្រែង របស់លោក ហ៊ុន សែន ក្នុងនាមជាថ្នាក់ដឹកនាំ គណបក្សប្រជាជនកម្ពុជា និងជាប្រមុខរដ្ឋាភិបាល ដែលបានខិតខំ ដើម្បីប្រយោជន៍ប្រទេសជាតិ។ រូបនេះក៏បង្ហាញពីភាពនឿយហត់ របស់លោកនាយករដ្ឋមន្ត្រីផងដែរ។
លោកហ៊ុន សែន បានសម្រក់ទឹកភ្នែក ដោយសារ តែភាពក្តុកក្តួល នៅពេលដែល លោកបានមានប្រសាសន៍ ដល់សម្តេចឪ ដែលបានសោយព្រះទិវង្គត កាលពីថ្ងៃទី១៥ ខែតុលា ឆ្នាំ២០១២ ដែលកាលណោះលោកនាយករដ្ឋមន្រ្តី បានមានប្រសាសន៍ថា អ្វីដែលសម្តេចឪ មិនបានធ្វើ កូនចៅបានកំពុងតែធ្វើបន្តជូន ហើយសង្ឃឹមថា សម្តេចឪនឹងបានទតឃើញ។
រូបភាពលោកនាយករដ្ឋមន្រ្តី ដោះវ៉ែនតា ហើយយកខ្នងដៃ ជូតលើភ្នែកទាំងគូរនេះ គឺនៅក្នុងសន្និសីទ្ធកាសែត ក្រោយកិច្ច ប្រជុំកំពូល អាស៊ានលើកទី២១ និងកិច្ចប្រជុំកំពូល ពាក់ព័ន្ធ ចាប់ពីថ្ងៃទី១៨ ដល់ថ្ងៃទី២០ ខែវិចិ្ឆកា ឆ្នាំ២០១២៕
