ឧកញ៉ា សុខ ប៊ុន សុំទោសកញ្ញាសាសា ដោយការលាឈប់ពីពីតំណែងទាំងអស់ ព្រមជាមួយងារឧកញ៉ា
សារព័ត៌មាន Cambodia News/
ភ្នំពេញ (១៤ កក្កដា ២០១៥) ៖ តំណែងទាំងអស់ដែលលោកឧកញ៉ា សុខ ប៊ុន កំពុងកាន់កាប់ រួមមានប្រធានសមាគមវាយតម្លៃអចលនវត្ថុ, ប្រធានក្រុមហ៊ុន TEHO-SBG ដែលវិនិយោគលើវិស័យអចលនទ្រព្យចំនួនប្រមាណ៥០០លានដុល្លារ ព្រមទាំងងារជាឧកញ៉ាផង ត្រូវបានលោកឧកញ៉ា សុខ ប៊ុន ប្រកាសលាឈប់ទាំងអស់ ដើម្បីជាការសុំទោសនឹងកំហុស ដែលធ្វើឲ្យលោកបាត់បង់អ្វីគ្រប់យ៉ាងក្នុងរយៈពេលដ៏ខ្លី។
ក្នុងលិខិតបំភ្លឺដែលមានការចុះហត្ថលេខារបស់មេធាវី យិន សុភ បានបញ្ជាក់ថា លោកមានការសោកស្តាយជាពន់ពេកចំពោះឧបទ្ទវហេតុដែលបានកើតឡើងកាលពីថ្ងៃទី២ ខែកក្កដា ឆ្នាំ២០១៥ ដោយសារជម្លោះមិនអាចគ្រប់គ្រងខ្លួនបាន រវាងរូបលោក និងកញ្ញា សាសា ដែលធ្វើឲ្យមានរបួសស្នាមទាំងសងខាង ជាពិសេសប៉ះពាល់ដល់កិត្តិយសកញ្ញា សាសា ក៏ដូចជាកិត្តិយសរបស់លោកផ្ទាល់៕
