ពិធីរាប់បាតព្រះសង្ឃ ១ម៉ឺនអង្គនឹងចាប់ផ្តើមនៅម៉ោង ៩ព្រឹកនេះ
សារព័ត៌មាន Cambodia News/
ភ្នំពេញ (០៣ មិថុនា ២០១៥) ៖ យោងតាមសេចក្តីជូនដំណឹងរបស់ ក្រសួងធម្មការ និងសាសនា បានបញ្ជាក់ថា ព្រះសង្ឃ១ម៉ឺនអង្គ និមន្តមកពីបណ្តាវត្តអារាមក្នុងរាជធានី និងតាមបណ្តាខេត្ត ដើម្បីបំពេញព្រះរាជកុសល។
ជាមួយគ្នានោះដែរ នៅវេលាម៉ោង៩ព្រឹក ថ្ងៃទី០៣ ខែមិថុនានេះ នាបរិវេណមុខព្រះ បរមរាជវាំង នឹងមានព្រះរាជពិធីរាប់បាតព្រះសង្ឃ១ម៉ឺនអង្គនិមន្តមកពីបណ្តាវត្តអារាមក្នុងរាជធានី និងតាមបណ្តាខេត្ត។
សូមជម្រាបដែរថា ពិធីរាប់បាតព្រះសង្ឃទាំង១ម៉ឺនអង្គនេះ គឺដើម្បីអបអរព្រះរាជពិធីដង្ហែគោរមងារជា «ព្រះស្រីលោកធម្មិករាជ» ថ្វាយព្រះករុណា ព្រះបាទ សម្តេចព្រះបរមនាថ នរោត្តម សហមុនី ព្រះមហាក្សត្រនៃប្រទេសកម្ពុជា ដែលនឹងត្រូវប្រារព្ធធ្វើឡើងនៅស្អែកនេះផងដែរ៕
