Mytv ចេញលិខិតសុំអភ័យប្អូនស្រីអេឡែន
សារព័ត៌មាន Cambodia News/
ភ្នំពេញ (១២ ឧសភា ២០១៥) ៖ នៅថ្ងៃទី១១ ឧសភា ក្រុមការងារកម្មវិធី”ពេញចិត្តឬអត់?ថ្ងៃអាទិត្យ” បានសរសេរលិខិតសុំអភ័យទោសជាសាធារណៈដល់ប្អូនស្រី Atumn Allen និងក្រុមគ្រួសារ។ [ អានបន្ត ]
ការសរសេរលិខិតសុំអភ័យទោសជាសាធារណៈនេះ ធ្វើឡើងបន្ទាប់ពីទទួលការរិះគន់យ៉ាងចាស់ដៃពីទស្សនិកជន ពិសេសអ្នកលេងហ្វេសប៊ុក ចំពោះទង្វើ កម្មវិធី”ពេញចិត្តឬអត់?ថ្ងៃអាទិត្យ” របស់ស្ថានីយ៍ទូរទស្សន៍Mytv ដែលបានយកទឹកចិត្តនឹកម្តាយរបស់ក្មេងស្រីម្នាក់ មកលេងសើច។
ខ្លឹមសារនៅក្នុងលិខិតនេះ បានឲ្យដឹងថា”ក្រុមការងារកម្មវិធី”ពេញចិត្តឬអត់?ថ្ងៃអាទិត្យ” មានការសោកស្តាយជាពន់ពេក ចំពោះកំហុស ដោយអចេតនា ដែលកើតមានឡើងនៅក្នុងកម្មវិធីនេះ និងដែលបានធ្វើឲ្យប្អូនស្រីAllen រន្ធត់ចិត្តរហូតដល់ស្រក់ទឹកភ្នែក និងមានការខកចិត្តចំពោះក្តីរំពឹងទុកថា នឹងបានជួបម្តាយដែលបានបែកគ្នាអស់រយៈពេល១៣ឆ្នាំមកហើយ”។
លិខិតដដែលបានបន្តថា “ក្រុមការងារ និងថ្នាក់ដឹកនាំកម្មវិធី”ពេញចិត្តឬអត់?ថ្ងៃអាទិត្យ” មានការសោកស្តាយជាខ្លាំង ចំពោះកំហុសដោយអចេតនានេះ ហើយយើងខ្ញុំក៏សុំអភ័យទោសចំពោះប្អូនស្រី និងក្រុមគ្រួសារ របស់ប្អូនស្រី ព្រមទាំងសាធារណជនទាំងឡាយផងដែរ។ ដើម្បីបញ្ជាក់ពីសណ្តានចិត្តស្មោះត្រង់ ក្រុមការងារកម្មវិធីក្រុមការងារកម្មវិធី”ពេញចិត្តឬអត់?ថ្ងៃអាទិត្យ” នឹងធ្វើដំណើរទៅកាន់គេហដ្ឋានប្អូនស្រីAllen ដើម្បីសុំអភ័យទោសដោយផ្ទាល់ចំពោះប្អូនស្រី និងក្រុមគ្រួសារប្អូនស្រីផងដែរ”៕
