ពិរុទ្ធជន ថោង សារ៉ាត់ ប្រឈមជាប់គុកមួយ ជីវិត
សារព័ត៌មានយុវវ័យថ្មី/
ភ្នំពេញ (២០ មេសា ២០១៥) ៖ ពិរុទ្ធជន ថោង សារ៉ាត់ ដែលជាមេខ្លោងនៃអំពើឃាតកម្មគិតទុកជាមុន បញ្ជាឱ្យ ឃាតករបាញ់សម្លាប់ឧកញ៉ា អ៊ឹង ម៉េងជឺយ៉ាងសាហាវព្រៃផ្សៃកណ្តាលរាជធានីភ្នំពេញ ត្រូវបានចាប់ខ្លួន និង ត្រូវបានសាលាដំបូងរាជធានីភ្នំពេញ សម្រេច បញ្ជូនទៅឃុំខ្លួន ក្នុងពន្ឋនាគារព្រៃស កាលពីវេលាម៉ោង១៧និង៣០នាទី ល្ងាចថ្ងៃទី១៧ ខែមេសា ឆ្នាំ២០១៥ ក្រោមការចោទប្រកាន់ពីបទផ្តើមគំនិតក្នុងអំពើឃាតកម្មគិតទុកជាមុន ។ [ អានបន្ត ]
ប្រភពព៏ត៌មានពីអគ្គស្នងការរងនគរបាលជាតិបានឲ្យថា ថោង សារ៉ាត់ ត្រូវបានសមត្ថកិច្ចចាប់ខ្លួននៅភូមិមួយក្នុងខេត្តស្វាយរៀង ក្បែរព្រំដែនប្រទេសវៀតណាម កាលពីព្រឹកថ្ងៃទី១៦ ខែមេសា ឆ្នាំ២០១៥ ។
ពិរុទ្ធជន ថោង សារ៉ាត់ ត្រូវបានចាប់ខ្លួនតាមដីការបស់តុលាការ ដោយចោទប្រកាន់ពីបទផ្តើមគំនិតក្នុងអំពើឃាតកម្មគិតទុកជាមុន តាមមាត្រា២៨និង២០០ នៃក្រមព្រហ្មទណ្ឌ ដែលអាចប្រឈមមុខនឹងការជាប់ពន្ឋនាគារអស់មួយជីវិត៕
