នារីម្នាក់លេបថ្នាំព្យាបាលជំងឺ បែរស្លាក់ស្លាប់
សារព័ត៌មាន Cambodia News/
ភ្នំពេញ៖ កាលពីល្ងាចថ្ងៃទី៦ ខែ មេសា នារីក្រមុំម្នាក់ រស់នៅ ក្នុងភូមិខ្វែ សង្កាត់ ត្រញំងក្រសាំង ខណ្ឌពោធិ៍សែនជ័យ បានដាច់ខ្យល់ស្លាប់ ខណៈកំពុងបញ្ជូនទៅមន្ទីរពេទ្យ ដោយសារនាងលេបថ្នាំព្យាបាល ជំងឺ តែបែរជាស្លាក់ចូលបំពង់ខ្យល់ទៅវិញ។
នារីរងគ្រោះឈ្មោះ ទន់ ស្រីលី អាយុ ២១ឆ្នាំ ជាសិស្សថ្នាក់ទី១១ ឪពុកឈ្មោះ គឹម សុធី អាយុ៥០ឆ្នាំ និងម្ដាយឈ្មោះ ឃាង សុគន្ធ អាយុ៤៨ឆ្នាំ រស់នៅក្នុង ភូមិ-សង្កាត់កើតហេតុខាងលើ។ [ អាន្តបន្ត ]
ប្រភពព៏ត៌មានពីក្រុមគ្រួសារ បានអោយដឹងថា កូនស្រីរបស់គាត់មានជំងឺ ទឹកនោមប្រៃ ជារៀងរាល់ថ្ងៃនាងត្រូវលេងថ្នាំ ព្រឹកលា្ងចតាមវេជ្ជបញ្ជាគឺនៅម៉ោង៧ ព្រឹកនិងម៉ោង៦ល្ងាច ជាអកុសលនៅ ម៉ោង៦ល្ងាចនេះ ក្រោយពេលលេបថ្នាំ គាត់បានសង្កេតឃើញសភាពកូនស្រី ដូចជាដកដង្ហើមមិនរួចនិយាយក៏មិន ចេញ នាងក៏បានសរសេរប្រាប់ពួកគាត់ ថា នាងលេបថ្នាំស្លាក់ដកដង្ហើមមិនរួចទេ ។
ឃើញសភាពកូនស្រីបែបនេះ ពួកគាត់ ក៏រួសរាន់បញ្ជូននាងទៅកាន់បន្ទីរពេទ្យព្រះកុសមៈ ប៉ុន្ដែទើបតែដល់ពាក់ កណ្ដាលផ្លូវនាងក៏បានដាច់ខ្យល់ស្លាប់តែម្ដង ៕
