ត្រីរាប់ពាន់ក្បាលបានធ្លាយចេញពីរថយន្តហែលពេញផ្លូវនៅចិន
សារព័ត៌មាន Cambodia News/
ចិន (១៩ មីនា ២០១៥) ៖ ត្រីអណ្តែង ត្រីរ៉ស់ ត្រីក្រាញ់បានកំពប់ធ្លាក់ បន្ទាប់ពីសន្ទះទ្រុងរថយន្តបានធ្លាយរបើកដោយចៃដន្យ បានធ្លាយទ្រុងចាក់ត្រីរាប់ពាន់ក្បាលនៅលើ នៅលើផ្លូវជាតិមួយក្នុងខេត្តគួយចូវ ប្រទេសចិន ខណៈពេលកំពុងធ្វើដំណើរតាមផ្លូវក្នុងទីក្រុងកៃលី កាលពីថ្ងៃម្សិលមិញ ធ្វើឲ្យមានការភ្ញាក់ផ្អើលដល់មនុស្សជាច្រើន។
ក្រោយពីឃើញហេតុការណ៍នេះអ្នកស្រុក និងអ្នកដំណើរខ្លះបានចុះមកជួយ ហើយក៏មានបុគ្គលិកអគ្គីភ័យជាច្រើនអ្នកផងដែរ។ បុគ្គលិកអគ្គីភ័យបានបាញ់ទឹកលើត្រី ដើម្បីកុំឲ្យវាស្លាប់ច្រើនពេក ហើយអ្នកខ្លះជួយចូក ជួយរើសដាក់កន្ត្រក់ ដែលត្រូវចំណាយពេលជាង ២ម៉ោងឯណោះ។
ត្រីទាំងនេះត្រូវម្ចាស់រថយន្តប្រាប់ថាបានដឹកទៅកាន់ភោជនីដ្ឋានល្បីឈ្មោះមួយក្នុងខេត្តគួយចូវនេះ ហើយមកទល់ពេលនេះគេមិនទាន់ដឹងថាត្រីរស់ និងស្លាប់ទាំងនោះអាចញ៉ាំបាន ឬយ៉ាងណានៅឡើយទេ៕
