នាយករដ្ឋមន្រ្តីបញ្ជាឲ្យរកវិធីកាត់បន្ថយភាពយន្តបរទេសចូលមកស្រុកខ្មែរ
សារព័ត៌មាន Cambodia News/
ភ្នំពេញ (០៦ ធ្នក្នុងកិច្ចប្រជុំពេញអង្គគណៈរដ្ឋមន្រ្តី កាលពីព្រឹកថ្ងៃសុក្រម្សិលមិញ លោកនាយករដ្ឋមន្រ្តី ហ៊ុន សែន បញ្ជាឲ្យក្រសួងពាក់ព័ន្ធធ្វើការជាមួយគ្នា ដើម្បីកាត់បន្ថយការនាំចូលភាពយន្តពីបរទេស មកដាក់បញ្ចាំងតាមទូរទស្សន៍នៅក្នុងប្រទេសកម្ពុជា។
ការបញ្ជារបស់នាយករដ្ឋមន្រ្តី ធ្វើឡើងបន្ទាប់ពីចរន្តនៃការដាក់បញ្ចាំងភាពយន្តថៃបានចាប់ផ្តើមឡើងវិញ បន្ទាប់ពីបានបិទជាង១០ឆ្នាំមកហើយ។ ភាពយន្តកូរ៉េ ចិន ហ្វីលីពីន និងថៃ ត្រូវបានដាក់បញ្ចាំងនៅតាមទូរទស្សន៍ក្នុងស្រុកភាគច្រើន។
កាលពីថ្ងៃទី ២៨ ខែមករា ឆ្នាំ២០០៣ រាជរដ្ឋាភិបាលកម្ពុជា បានសម្រេចផ្អាកការចាក់បញ្ចាំងគ្រប់ខ្សែភាពយន្តថៃ នៅគ្រប់ស្ថានីយទូរទស្សន៍ខ្មែរទូទាំងប្រទេសកម្ពុជា បន្ទាប់ពីប្រជាពលរដ្ឋកម្ពុជា ផ្ទុះហិង្សាដុតស្ថានទូតថៃប្រចាំនៅកម្ពុជា ព្រមទាំងវាយកម្ទេចសណ្ឋាគារ និងភោជនីយដ្ឋានមួយចំនួន ដែលមានថៅកែជាជនជាតិ ដោយសារតារាសម្តែងថៃដ៏មានប្រជាប្រិយភាពម្នាក់ ឈ្មោះ កុបស៊ុបវ៉ា គុនឃុនយីង ហៅផ្កាយព្រឹក និយាយថាប្រាសាទអង្គរវត្តជាកម្មសិទ្ធិរបស់ថៃ។
តែទោះជាយ៉ាងណា នៅអំឡុងចុងឆ្នាំ២០១៣ កន្លងទៅនេះ គេសង្កេតឃើញស្ថានីយ៍ទូរទស្សន៍ប៉ុសិ៍្តលេខ៥ បានចាប់ផ្តើមចាក់បញ្ចាំងខ្សែភាពយន្ដថៃឡើងវិញ៕
