លោក ហ៊ុន សែន ព្រមានបោះឆ្នោត ទម្លាក់ លោក កឹម សុខា បើ លោក កឹម សុខាចង់បោះឆ្នោត ទម្លាក់ នាយករដ្ឋមន្ដ្រី
សារព័ត៌មានយុវវ័យថ្មី/
ភ្នំពេញ (០៩ កញ្ញា ២០១៤) ៖ នៅក្នុងពិធីបើកការដ្ឋានស្ពានអាកាសទី៤ តិចណូ នាព្រឹកថ្ងៃទី០៩ ខែកញ្ញាឆ្នាំ២០១៤ លោក នាយករដ្ឋមន្ដ្រី ហ៊ុន សែន បានព្រមានថា ការបោះឆ្នោតទម្លាក់ អនុប្រធានទី១រដ្ឋសភា មកពីគណបក្សប្រឆាំង គឺលោកកឹម សុខា និងកើតឡើង ភ្លាម បើសិនលោកកឹម សុខា នៅតែចង់ឱ្យមានការបោះឆ្នោតទម្លាក់រដ្ឋមន្ដ្រី។
ការព្រមានធ្ងន់ៗនិងឆ្លើយតបដោយមិនទុកពេលយូររបស់លោក ហ៊ុន សែន បានធ្វើឡើងក្រោយពេលដែលលោកកឹម សុខា ដែលជាអនុប្រធានទី១ រដ្ឋសភា មកពីគណបក្សប្រឆាំង តែងតែទៅអួតនៅចំពោះមុខអ្នកគាំទ្ររបស់ខ្លួនថា យុទ្ធនាការបោះឆ្នោតទម្លាក់រដ្ឋមន្ដ្រី ដោយសារអំពើពុក រលួយនោះនឹង កើតមានឡើង ។
លោក នាយករដ្ឋមន្ដ្រី ហ៊ុន សែន ក៏បានលើកឡើង ថា ការបោះឆ្នោតទម្លាក់អនុប្រធានទី១ គឺគ្មានអីពិបាកនោះឡើយ មានន័យថា ក្នុងសំឡេងគណៈកម្មាធិការ អចិន្ដ្រៃយរដ្ឋសភា មាន៧នាក់ គណបក្សប្រជាជនឈ្នះ ហើយបោះឆ្នោតទម្លាក់សំឡេង ៥០បូក១ ក៏ប្រជាជនឈ្នះដដែល ដូច្នេះសូមផ្ដាំទៅកុំចង់ ទម្លាក់នាយករដ្ឋមន្ដ្រី រដ្ឋមន្ដ្រី នោះ និងបោះឆ្នោតទម្លាក់មុនជាមិនខាន ៕
