អ្នកភូមិបុរីកីឡា ២នាក់ដួលសន្លប់ ក្នុងការប៉ះទង្គិចគ្នាជាមួយអាជ្ញាធរ ក្នុងហែញត្តិនៅថ្ងៃនេះ
សារព័ត៌មាន Cambodia News/
ភ្នំពេញ (០៨ កញ្ញា ២០១៤) ៖ នៅវេលាម៉ោងប្រមាណជាង៩ព្រឹកថ្ងៃទី០៨ កញ្ញានេះ កងកម្លាំងសមត្ថកិច្ច បានរារាំង ក្រុមប្រជាសហគមន៍បុរីកីឡា មិនឲ្យដើរហែញត្តិសុំអន្តរាគមន៍ដោះស្រាយបញ្ហាជម្លោះដីធ្លី ជាមួយក្រុមហ៊ុន ផានអ៊ីម៉ិច ដែលអូសបន្លាយអស់រយៈពេលជាច្រើនឆ្នាំមកហើយនោះ។
យ៉ាងណាក៏ដោយប្រជាពលរដ្ឋអះអាងថា បន្ទាប់ពីដាក់ញត្តិនៅរដ្ឋសភា ពួកគេនឹងបន្តដាក់ញត្តិនៅតាមស្ថាប័នរដ្ឋមួយចំនួនផ្សេងៗទៀត លុះត្រាតែមានដំណោះស្រាយ ។
គួរបញ្ជាក់ថា អ្នកភូមិបុរីកីឡាចំនួន២នាក់បានដួលសន្លប់ ខណៈដែលមានការប៉ះទង្គិចរុញច្រានគ្នា រវាងកងកម្លាំងសមត្ថកិច្ច ដែលបានរារាំងដំណើរពួកគេ មិនឲ្យបន្ដដំណើរហែក្បួនទៅដាក់ញត្តិនៅរដ្ឋសភា នៅព្រឹកថ្ងៃទី០៨កញ្ញនេះ ៕
