រដ្ឋសភាប្រើពេល ៤ ម៉ោងអនុម័តច្បាប់បានរហូតដល់ទៅ ៣
សារព័ត៌មាន Cambodia News/
ភ្នំពេញ (២៧ មិថុនា ២០១៤) ៖ រដ្ឋសភាឯកបក្ស ដែលមានតែតំណាងរាស្រ្តពីគណបក្សប្រជាជនបានចំណាយពេលត្រឹមតែប្រហែល ៤ ម៉ោងប៉ុណ្ណោះ ក្នុងការអនុម័តសេចក្តីព្រាងច្បាប់រហូតដល់ទៅ ៣ ដែលស្នើឡើងដោយរដ្ឋាភិបាលលោកនាយករដ្ឋមន្រ្តី ហ៊ុន សែន។
សេចក្តីព្រាងច្បាប់ដែលដាក់ជូនទៅរដ្ឋសភាចំនួន ៤ រួមមាន សេចក្តីព្រាងច្បាប់ស្តីពីកិច្ចព្រមព្រៀងជួយគ្នាក្នុងវិស័យយុតិ្តធម៌ ច្បាប់រដ្ឋប្បវេណីរវាង កម្ពុជា និង វៀតណាម សេចក្តីព្រាងច្បាប់ស្តីពីការអនុម័តសន្ធិសញ្ញាធ្វើបត្យាប័នរវាង កម្ពុជា-វៀតណាម សេចក្តីព្រាងច្បាប់ស្តីពីការអនុម័តយុទ្ធសាស្រ្តអភិវឌ្ឍន៍ជាតិ ឆ្នាំ២០១៤ ដល់ ២០១៨ និងសេចក្តីព្រាងច្បាប់ស្តីពីការធានារ៉ាប់រង។
ក្នុងចំណោមសេចក្តីព្រាងច្បាប់ទាំង ៤ សេចក្តីព្រាងច្បាប់ចំនួន ៣ ត្រូវបានអនុម័តយ៉ាងងាយស្រួលដោយកូរ៉ុមចំនួន ៦៥ នៃតំណាងរាស្រ្តគណបក្សប្រជាជន ហើយសេចក្តីព្រាងច្បាប់ស្តីពីការធានារ៉ាប់រងដែលមាន ១៤ ជំពូក ១១៤ មាត្រា នឹងត្រូវអនុម័តនៅថ្ងៃសុក្រនេះ៕
