CNRP ដាក់ពីរចំណុច ទៅ CPP សម្រាប់ជំនួបចរចាជាថ្មី
សារព័ត៌មាន Cambodia News/
ភ្នំ ពេញ (៣០ ឧសភា ២០១៤) ៖ ក្នុងសន្និសីទកាសែត នៅទីស្នាក់ការរបស់ខ្លួន នៅសង្កាត់ចាក់អង្រែលើ កាលពីថ្ងៃទី២៩ ខែឧសភា ឆ្នាំ២០១៤ គណបក្សសង្គ្រោះជាតិ (CNRP)ត្រៀមដាក់បៀបវារៈចំនួនពីរ ជូនគណបក្សប្រជាជនកម្ពុជា(CPP)សម្រាប់ជំនួបចរចាជាថ្មីរបស់ ក្រុមការងារគណបក្សទាំងពីរ នាពេលខាងមុខ។
នៅក្នុង សេចក្ដីព្រាងជំនួបចរចាជាថ្មី ដែលគណបក្សសង្គ្រោះជាតិ ត្រៀមផ្ញើជូនគណបក្សប្រជាជនកម្ពុជា ទី១.បានកំណត់ឲ្យស្ថាប័នរៀបចំការបោះឆ្នោត ទៅជា ស្ថាប័នធម្មនុញ្ញ មិនស្ថិតនៅចំណុះស្ថាប័នរបស់រដ្ឋណាមួយ ទាំងការគ្រប់គ្រងរដ្ឋបាល ហិរញ្ញវត្ថុ និងទីកន្លែង។
ទី ២.ជ្រើសរើសមាសភាពមន្ត្រីរៀបចំការបោះឆ្នោត ត្រូវជ្រើសរើសដោយចំហពីបុគ្គល ដែលមិនមែនជាសមាជិកបក្ស (ឯករាជ្យ) ឬបុគ្គលដែលតែងតាំងដោយគណបក្សនយោបាយ ដែលមានអាសនៈនៅក្នុងរដ្ឋសភា ឬចម្រុះ។
សូមបញ្ជាក់ថា បញ្ហាមិនចុះសម្រុងគ្នា រវាងគណបក្សជាប់ឆ្នោតទាំងពីរ ក្រោយការបោះឆ្នោតជ្រើសតាំងតំណាងរាស្ត្រ នីតិកាលទី៥ កាលពីថ្ងៃទី២៨ ខែកក្កដា ឆ្នាំ២០១៣ បានអូសបន្លាយពេលជិត១ឆ្នាំមកហើយ៕
