កម្ពុជាមិនអនុញ្ញាតឲ្យ ប្រទេសណាមួយប្រើប្រាស់ ទឹកដីខ្លួន ធ្វើជាមូលដ្ឋានសម្រាប់ ប្រឆាំងរដ្ឋាភិបាលដទៃទៀត
សារព័ត៌មាន Cambodia News/
ភ្នំពេញ(២៦ ឧសភា ២០១៤) ៖ មន្ត្រីជាន់ខ្ពស់ រាជរដ្ឋាភិបាលកម្ពុជា បានបញ្ជាក់ថា កម្ពុជាមិនអនុញ្ញាតឲ្យ ប្រទេសណាមួយ យកទឹកដីរបស់ខ្លួន ធ្វើជាមូលដ្ឋាន ឬការបង្កើតរដ្ឋាភិបាលនិរទេស ដើម្បីធ្វើការប្រឆាំង ជាមួយរដ្ឋាភិបាលដទៃទៀត បានឡើយ។
លោក ផៃ ស៊ីផាន អ្នកនាំពាក្យ ទីស្តីការគណៈរដ្ឋមន្ត្រី បានមានប្រសាសន៍ ឲ្យដឹងនៅព្រឹកថ្ងៃទី២៦ ខែឧសភា នេះថា តាមច្បាប់របស់កម្ពុជា មិនអនុញ្ញាតឲ្យអ្នកណា ប្រើប្រាស់ទឹកដីកម្ពុជា ជាមូលដ្ឋានសម្រាប់ ប្រឆាំងរដ្ឋាភិបាលដទៃទៀតនោះទេ។
ការបញ្ជាក់បែបនេះ បានធ្វើឡើង បន្ទាប់ពីមានប្រព័ន្ធផ្សព្វផ្សាយ បរទេសមួយចំនួន បានផ្សាយថា លោកថាក់ស៊ីន អតីតនាយករដ្ឋមន្ត្រី និងត្រូវជាបងប្រុស របស់លោកស្រី យីងឡាក់ អតីតនាយករដ្ឋមន្ត្រី ធ្លាក់ពីការធ្វើរដ្ឋប្រហារយោធា គ្រោងយកទឹកដីកម្ពុជា ធ្វើជារដ្ឋាភិបាលនិរទេស ដើម្បីធ្វើការប្រឆាំង ជាមួយនឹងរបបរដ្ឋប្រហារយោធា៕
