សំណុំរឿងលោកវ៉ន ពៅ និង ២២នាក់ទៀតនឹងប្រកាសសាលក្រមនៅចុង ខែឧសភា
សារព័ត៌មាន Cambodia News/
ភ្នំពេញ (២៣ ឧសភា ២០១៤) ៖ នៅថ្ងៃទី២២ឧសភា ចៅក្រមសាលាដំបូងរាជធានីភ្នំពេញបានប្រកាសបិទបញ្ចប់ ការសាកសួរលើសុំណុំរឿងក្តី២៣នាក់ជាស្ថាពរ ចំនែកឯរឿងក្តីលោកវ៉ន ពៅប្រធានសមាគមន៍ ប្រជាធិបតេយ្យនៃសេដ្ឋកិច្ចក្រៅប្រព័ន្ធត្រូវបានបញ្ចប់ចុងក្រោយគេ នៅម៉ោងប្រមាណ៨យប់។
ការបញ្ចប់យឺតជាងសវនការជនជាប់ចោទ២២នាក់ទៀត គឺដោយសារតែបញ្ហាសុខភាពរបស់លោកវ៉ន ពៅ។ នេះបើតាមការអះអាងពីមន្ត្រីសង្គមស៊ីវិលដែលបានចូលរួមក្នុងអង្គ សវនការនោះ។
គួរបញ្ជាក់ថា សាលាដំបូងរាជធានីភ្នំពេញក៏បានសម្រេចប្តូរបទចោទលើលោកវន់ ពៅនិងលោកគុណ សម្បត្តិពិសិដ្ឋទៅជាបទអ្នកផ្តើមគំនិតឲ្យមានហិង្សានិងមានស្ថាន ទម្ងន់ទោសនិងបង្កឲ្យខូចខាតដោយចេតនានិងមានស្ថានទម្ងន់ទោស ផងដែរ។
ក្រោយពីបានបិទបញ្ចប់ការសាកសួរលើសុំណុំរឿងនេះហើយតុលាការបាន ប្រកាសថាសំណុះរឿងជនជាប់ចោទទាំង២៣នាក់នឹងត្រូវប្រកាសសាលក្រមជា សាធារណៈនៅថ្ងៃទី៣០ឧសភាឆ្នាំ២០១៤ខាងមុខនេះ៕
