CNRP នឹងទាក់ទងមន្ត្រី CPP ដើម្បីបន្តការចរចា
សារព័ត៌មាន Cambodia News/
ភ្នំពេញ (២១ ឧសភា ២០១៤) ៖ នៅថ្ងៃទី២១ ខែឧសភា នេះ មន្ត្រី គណបក្សសង្គ្រោះជាតិ នឹងទាក់ទងទៅមន្ត្រីគណបក្សប្រជាជនកម្ពុជា ដើម្បីបន្តការពិភាក្សាលើបញ្ហាកំណែទម្រង់ការបោះឆ្នោត ក្នុងការឈានទៅរកការទម្លាយភាពជាប់គាំងនយោបាយ។
ការចរចារវាងក្រុមគណៈកម្មការចម្រុះ គណបក្សសង្គ្រោះជាតិ និងគណបក្សប្រជាជនកម្ពុជា ត្រូវបានផ្អាកបណ្តោះអាសន្ន បន្ទាប់ពីការចរចាតាមរយៈទូរស័ព្ទរវាងលោក ហ៊ុន សែន និងលោក សម រង្ស៊ី កាលពីកន្លងទៅ មិនទទួលបានលទ្ធផលនៅឡើយ។
គួរបញ្ជាក់ថា នៅថ្ងៃអង្គារនេះ មន្ត្រីគណបក្សសង្គ្រោះជាតិ បានជួបជាមួយគណៈប្រតិភូរបស់ប្រទេសជប៉ុន១០រូបដែលមានជំនាញលើ ការបោះឆ្នោត ដើម្បីសិក្សាពីចំណុចនៃកំណែទម្រង់ការបោះឆ្នោតនៅកម្ពុជា៕
