ស្រ្តីម្នាក់ ត្រូវរថយន្ត កិនបែកក្បាល ស្លាប់
សារព័ត៌មាន Cambodia News/
កណ្តាល (០២ ឧសភា ២០១៤) ៖ នៅថ្ងៃទី២ ខែឧសភា នេះ នៅលើកំណាត់ផ្លូវលេខ១១០ ក្នុងភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្តាល ស្រ្តីម្នាក់ បានស្លាប់ បាត់បង់ជីវិតភ្លាមៗ នៅនឹងកន្លែង កើតហេតុ យ៉ាងអណោចអាធ័ម ដោយត្រូវរថយន្ត ដឹកស៊ីម៉ងត៍ កិនខ្ទេចក្បាល ខណ:បើកវ៉ា រថយន្តបង្ក ហើយជួបឧបសគ្គនៅពីមុខ ក៏ជាន់ហ្រ្វាំង ដួលចូលកង់រថយន្តតែម្តង ។
នារីរងគ្រោះជិះ ម៉ូតូម៉ាកស្មាស់ ពណ៌ខ្មៅ ពាក់ស្លាកលេខកំពង់ឆ្នាំង 1A-9737 មានឈ្មោះ ហ៊ ភក្តី អាយុ២៩ឆ្នាំ មានទីលំនៅភូមិព្រែកស្វាយ ឃុំឈើទាល ស្រុកកៀនស្វាយ ខេត្តកណ្តាល ត្រូវរថយន្តកិន ខ្ទេចក្បាលស្លាប់នៅនឹងកន្លែងកើតហេតុ ។
ចំណែករថយន្តបង្កម៉ាកហ៊ីណូ ពណ៌ខៀវ ជាប្រភេទរថយន្ត សណ្តោងដឹកស៊ីម៉ងត៍ទម្ងន់រាប់សិបតោន ពាក់ស្លាកលេខព្រះសីហនុ 3A-1096 ក្រោយកើតហេតុអ្នក បើកបររត់គេចខ្លួនបាត់ ។
ក្រោយកើតហេតុ រថយន្តបង្ក និងម៉ូតូជនរងគ្រោះត្រូវសមត្ថកិច្ច យកមករក្សាទុកនៅអធិការដ្ឋាន នគរបាលស្រុកកៀនស្វាយដើម្បីរង់ចាំដោះស្រាយតាមផ្លូវច្បាប់ រីឯសពនារីរងគ្រោះសមត្ថកិច្ច បានប្រគល់ជូនក្រុមគ្រួសារយក ទៅធ្វើបុណ្យតាមប្រពៃណី ៕
