លិចនាវានៅកូរ៉េ មនុស្សស្លាប់កើនឡើង ១០៤នាក់
សារព័ត៌មានយុវវ័យថ្មី/
ស៊េអូល (២២ មេសា ២០១៤) ៖ យ៉ាងហោចណាស់ សាកសពចំនួន ១០៤នាក់ ត្រូវបានក្រុមអ្នកមុជទឹក ស្រង់ចេញពីនាវា Sewol នេះតាមព័ត៌មាន Channel News Asia ចេញផ្សាយមុននេះបន្តិច នៅព្រឹកថ្ងៃ អង្គារ៌ ទី២២ ខែមេសា ឆ្នាំ២០១៤នេះ ចំណែកអ្នកកំពុងបាត់ខ្លួនមានចំនួន ១៩៨នាក់ ។
អាជ្ញាធរកូរ៉េខាងត្បូង បញ្ជាក់ថា ក្នុងចំណោមអ្នកស្លាប់ ១០៤នាក់ ដែលរកឃើញសាក សពនោះ មានជនជាតិចិនចំនួន ២នាក់ផងដែរ។ តាមការឲ្យដឹងពីមន្រ្តី ស្ថានទូតចិនបញ្ជាក់ថា ជនជាតិចំនួន ៤នាក់ (ប្រុស២ ស្រី២) បានស្ថិតនៅលើកប៉ាល់ Sewol នោះ ។ ចំណែកឆ្មាំយាមដែនសមុទ្រ បានឲ្យដឹងថា ក្នុងនោះក៏មាននិស្សិតជនជាតិ រុស្ស៊ីម្នាក់ផងដែរ ។
សូមជំរាបថា លោកស្រីប្រធានាធិបតី កូរ៉េខាងត្បូង Park Geun-hye បានថ្លែងថា ទង្វើរបស់មេបញ្ជាការ និងនាវិកទាំងអស់នៅលើនាវា Sewol គឺជាឃាតករ ដែលមិនអាចលើកលែងទោសបាននោះទេ៕
