លោក ហ៊ុន សែន ព្រមាន ថា កុំបន្ទោសរូបលោក បើការចរចាមិនឈានដល់ការចុះហត្ថលេខានៅថ្ងៃទី១១ មេសាទេនោះ
សារព័ត៌មាន Cambodia News/
ភ្នំពេញ៖ លោកនាយករដ្ឋមន្ត្រី នៃកម្ពុជា បានព្រមាន ថា បើការចរចាមិនឈានដល់ការ ចុះ ហត្ថ លេខានៅថ្ងៃទី១១ ខែមេសាទេ កុំបន្ទោស រូបលោក ឬក៏លោកសម រង្ស៊ី នោះ គឺជាការកំហុសរបស់លោក កឹម សុខា។
នាយករដ្ឋមន្ត្រីព្រមានបែបនេះ បន្ចាប់ពីលោកបានចរចាតាមទូរស័ព្ទជាមួយលោក សមរង្ស៊ី ចំនួន ៤៤ : ២០នាទីកាលពីថ្ងៃទី០៩ខែមេសា ហើយបានឯកភាពគ្នាថា នឹងចូល ព្រះ បរ មរាជ វាំង នៅថ្ងៃទី១១ខែមេសា ឆ្នាំ២០១៤ ប៉ុន្តែលោកសម រង្ស៊ី ថា គាត់ត្រូវការពិភាក្សាជាមួយលោកកឹម សុខា សិន។នាយករដ្ឋមន្ត្រី បានបន្តទៀតថា ក្រោយមកលោកសម រង្ស៊ី បានប្រាប់លោកវិញថា លោកកឹម សុខា មិនព្រមទេ។
លោកនាយករដ្ឋមន្ត្រីបាន បន្តថា លោក បានប្រាប់ទៅលោកសម រង្ស៊ី វិញថា អោយប្រាប់ទៅលោកកឹម សុខា ថា កុំរឹងពេក។ នាយករដ្ឋមន្ត្រីថាលោកមិនទាន់អស់សង្ឃឹមទេ។ប៉ុន្តែ លោកនាយករដ្ឋមន្ត្រី បានព្រមានថាបើសិនជាការចរចាមិនឈានដល់ ការចុះហត្ថលេខានៅថ្ងៃទី១១ ខែមេសាទេ កុំបន្ទោសរូបលោក ឬគណបក្សប្រជាជនកម្ពុជា ឬក៏លោកសម រង្ស៊ី។ “នោះ គឺជាការកំហុសរបស់លោកកឹម សុខា”៕