ក្រុមបាតុករដឹកនាំដោយម៉ម សូណង់ដូ ប៉ះទង្គិចគ្នាមួយបា្រវជាមួយកងកម្លំាងសមត្ថកិច្ច
សារព័ត៌មាន Cambodia News/
ភ្នំពេញ (៣១ មិនា ២០១៤) ៖ ក្រុមបាតុករប្រមាណជិត១០០នាក់ដឹកនំាដោយលោក ម៉ម សូណង់ដូ នាយកវិទ្យុសម្បុកឃ្មុំ និងជាប្រធានសមាគមអ្នកប្រជាធិបតេយ្យ បានប៉ះទង្គិចគ្នាមួយបា្រវជាមួយកងកម្លំាងសមត្ថកិច្ចនៅស្ពាននាគវត្តភ្នំ ខណៈដែលក្រុមអ្នកតវ៉ាទាំងនោះ បានព្យាយាមចូលទៅកាន់ទីលានប្រជាធិបតេយ្យ។
ការប៉ះទង្គិចគ្នានេះ បានកើតឡើងនៅវេលាម៉ោងប្រមាណ ៨ និង៤០នាទីព្រឹកថ្ងៃទី៣១ ខែមីនា ឆ្នាំ២០១៤នេះ នៅពេលកម្លាំងសមត្ថកិច្ចជាច្រើននាក់ ព្យាយាមរារាំងក្រុមបាតុករដឹកនាំដោយលោក ម៉ម សូណង់ដូ និងក្រុមសកម្ម ជនដីធ្លីនាំគ្នា សម្រុកចូលទៅកាន់ទីលានប្រជាធិបតេយ្យ ក្នុងបំណងតវ៉ាទាមទារឲ្យក្រសួងព័ត៌មានផ្តល់សិទ្ឋិឲ្យវិទ្យុសម្បុកឃ្មុំផ្សាយបន្តផ្ទាល់ទៅតាមខេត្ត និង សុំហ្វ្រេកង់សម្រាប់បើកស្ថានីយ៏ទូរទស្សន៏។
ក្នុងការប៉ះទង្គិចគ្នាមួយបា្រវនាព្រឹកថ្ងៃចន្ទនេះ បុរសអ្នករត់ម៉ូតូឌុបម្នាក់ បានត្រូវកម្លំាងសមត្ថកិច្ចវាយបែកក្បាលដោយសារជេរប្រមាថទៅលើកងកម្លំាងទំាងនោះ។បន្ទាប់ពីការប៉ះទង្គិចក្រុមអ្នកតវ៉ាបានដកថយចេញពីទីលាន ប្រជាធិបតេយ្យ ទៅប្រមូលផ្តុំគ្នានៅលើស្ពាននាក់។
នៅចំពោះមុខក្រុមបាតុករ លោក ម៉ម សូណង់ដូ ដែលជាប្រធានសមាគមអ្នកប្រជាធិបតេយ្យផងនោះបានស្រែក ពីជោគជ័យ របស់លោក ហើយថាលោកនឹងបន្តទាមទារសិទ្ឋិផ្សាយបន្តផ្ទាល់ទៅតាមខេត្ត និង ហ្វ្រេកង់ទូរទស្សន៏ ។
រហូតដល់វេលាម៉ោង ៩ និង២០នាទីព្រឹកថ្ងៃដដែល នាយកវិទ្យុសម្បុកឃ្មុំ លោក ម៉ម សូណង់ដូ បានចាកចេញពីស្ពាននាគវត្តភ្នំ ស្ថិតនៅខាងកើតទីលានប្រជាធិបតេយ្យហើយ ៕
