កូរ៉េខាងត្បូងបញ្ជូនអដ្ឋិធាតុទាហានចិន ៤៣៧នាក់ ដែលសល់ពីសង្គ្រាមទៅឲ្យចិន
សារព័ត៌មាន Cambodia News/
កូរ៉េខាងត្បូង (២៨ មិនា ២០១៤) ៖ នៅថ្ងៃទី២៨ ខែមីនានេះ ប្រធានាធិបតីកូរ៉េខាងត្បូងលោកស្រីប៉ាក គុនហឺ បានបញ្ជូនសំណល់អដ្ឋិធាតុរបស់ទាហានចិន ដែលបានបន្សល់ទុក កាលពីសង្គ្រាមរវាងចិន និងកូរ៉េអំឡុងឆ្នាំ១៩៥០ដល់ឆ្នាំ១៩៥៣ ដោយធ្វើដំណើរតាមយន្តហោះឆ្ពោះទៅកាន់ទីក្រុង Shenyang ប្រទេសចិន ។
សំណល់អដ្ឋិធាតុទាំងអស់ សុទ្ធតែជារបស់ទាហានចិនមានចំនួន ៤៣៧នាក់ ដែលត្រូវបានគេដាក់ក្នុងកូនប្រអប់ឈើតូចៗ និងមានគ្របទង់ជាតិរបស់ប្រទេសចិននៅពីលើ។
ពាក់ព័ន្ធនឹងសកម្មភាពនេះ មន្ត្រីជាន់ខ្ពស់ក្រសួងការពារជាតិកូរ៉េខាងត្បូងលោកគីម មីនស៊ុក( Kim Min-seok) បានបញ្ជាក់ថា វាជាទង្វើមួយចង់បង្ហាញពីទំនាក់ទំនងទ្វេរភាគី និងលើកកម្ពស់សន្តិភាពនៅក្នុងតំបន់អាស៊ីភាគឦសាន ហើយវាក៏ជាកាយវិការដ៏ទន់ភ្លន់ប្រកបទៅដោយសុឆន្ទៈរបស់លោកស្រីPark Geun-hyeផងដែរ បន្ទាប់ពីលោស្រីបានទៅបំពេញទស្សនកិច្ចនៅទីក្រុងប៉េកាំង ប្រទេសចិន កាលពីខែមិថុនាឆ្នាំមុន។
គួរម្លឹកផងដែរថា កាលពីអំឡុងសង្គ្រាមឆ្នាំ១៩៥០ ដល់ឆ្នាំ១៩៥៣ប្រទេសចិនបានប្រយុទ្ធជាមួយប្រទេសកូរ៉េខាងជើងនៅក្នុងជម្លោះមួយបង្កឲ្យមានការស្លាប់ទាហានចិនជាច្រើនសែននាក់។ បើយោងទៅតាមប្រទេសលោកខាងលិចបានសន្និដ្ឋានថា តួរលេខនៃកងទ័ពចិនដែលបានស្លាប់មានប្រមាណ៤សែន។
ប៉ុន្តែបើយោងទៅតាមប្រភពព័ត៌មានចិន បានបង្ហាញថាមានប្រហែលជាមួយសែន ៨ម៉ឺននាក់ប៉ុណ្ណោះ។ ចំណែកឯសាកសពទាហានទាំងអស់នោះត្រូវបានគេកប់នៅគ្រប់ទីកន្លែងក្នុងប្រទេសកូរ៉េដោយកន្លែងបញ្ចុះសពខ្លះបានបញ្ជាក់ពីអត្ដសញ្ញាណអ្នកស្លាប់ផងដែរ៕