អាមេរិកមិនជឿថា យន្ដហោះម៉ាឡេស៊ីធ្លាក់នៅមហាសមុទ្រឥណ្ឌា
សារព័ត៌មានយុវវ័យថ្មី/
អាមេរិក (២៦ មិនា ២០១៤) ៖ អ្នកនាំពាក្យ ក្រសួងការបរទេសសហរដ្ឋអាមេរិកបានបញ្ជាក់ថា អាមេរិកមិន ជឿថា យន្ដហោះម៉ាឡេស៊ីធ្លាក់ក្នុងមហា សមុទ្រឥណ្ឌាដូចការប្រកាសរបស់នាយក រដ្ឋមន្ដ្រីម៉ាឡេស៊ី កាលពីយប់ថ្ងៃទី២៤ ខែមីនានោះឡើយ។
នៅថ្ងៃ ទី២៥ ខែមីនា ឆ្នាំ២០១៤ សហ រដ្ឋអាមេរិកបានបញ្ជាក់ថា មិនទាន់មាន ភស្ដុតាងឯករាជ្យបញ្ជាក់ពីយន្ដហោះ MH370 ធ្លាក់នៅមហាសមុទ្រឥណ្ឌា នោះទេ។
មាន ប្រសាសន៍នៅក្នុងសន្និសីទ កាសែតជាប្រចាំក្រោយរយៈពេលប៉ុន្មាន ម៉ោងដែលនាយករដ្ឋមន្ដ្រីម៉ាឡេស៊ី ប្រកាសថា យន្ដហោះធ្លាក់នៅមហា សមុទ្រឥណ្ឌា អ្នកនាំពាក្យក្រសួងការបរ ទេសអាមេរិកបញ្ជាក់ថា គ្មានភស្ដុតាង ឯករាជ្យបញ្ជាក់ពីព័ត៌មានខាងលើឱ្យបាន ច្បាស់លាស់នោះឡើយ ហើយពេលនេះ អាមេរិកក៏មិនអាចសន្និដ្ឋានពីព័ត៌មាន យន្ដហោះធ្លាក់នៅមហាសមុទ្រឥណ្ឌាជា រឿងត្រឹមត្រូវនោះដែរ ។
អ្នកនាំពាក្យក្រសួងការបរទេស អាមេរិកបន្ដទៀតថា រដ្ឋាភិបាលទីក្រុង វ៉ាស៊ីនតោនបានសហការជាមួយរដ្ឋាភិ បាលម៉ាឡេស៊ីបន្ដរុករកនៅមហាសមុទ្រ ឥណ្ឌាបន្ដទៀត ។
មិនថាអា មេរិក ឬចិននោះឡើយ ប្រទេសមួយចំនួនទៀតដែលមានសាច់ ញាតិធ្វើដំណើរនៅលើយន្ដហោះ MH 370 ស្នើដល់រដ្ឋាភិបាលម៉ាឡេស៊ីផ្ដល់ ព័ត៌មាននិងភស្ដុតាងឱ្យបានច្បាស់លាស់ ចៀសវាងការសន្និដ្ឋានធ្វើឱ្យប៉ះពាល់ ដល់សតិអារម្មណ៍សាច់ញាតិអ្នកដំណើរ ៕