បុរសរោគចិត្តម្នាក់ កាត់ដៃខ្លួនឯង រួចដុតចោល
សារព័ត៌មាន Cambodia News/
ចិន(២៤ មិនា ២០១៤)៖ ប៉ូលីសបានអោយដឹងថា ឡានពេទ្យបានប្រញាប់ ទៅសង្គ្រោះភ្លាមៗ ក្រោយពីបានដំនឹងថា មានបុរសរោគចិត្តម្នាក់ អាយុ៤៤ឆ្នាំ បានកាត់ដៃខ្លួនឯង ជាមួយកាំបិត ហើយដុតដៃនោះចោលថែមទៀត។
នៅពេល ភ្នាក់ងារបាន ចុះមកដល់ទីកន្លែងកើតហេតុ ក៏បានប្រទះឃើញបុរសនោះ កាត់ដៃខ្លួនឯង និងបោះចូលក្នុងធុងសំរាម និងដុតចោលទៀតផង។ ភ្លាមៗនោះ ពួកគេក៏បានព្យាយាមយក ដៃបុរសនោះមកវិញ ពីភ្នក់ភ្លើង ប៉ុន្តែវាត្រូវបាន ឆេះអស់បាត់ទៅហើយ។
ក្នុងនោះផងដែរ បុរសនោះត្រូវបានបញ្ជូន ទៅមន្ទីរពេទ្យ Derriford ទីក្រុង Playmouth នាវេលាម៉ោង១ ៤០នាទីយប់។ តាមសម្តីរបស់អ្នក ជួយសង្គ្រោះ បានឲ្យដឹងថា គាត់កំពុងព្យាបាល របួសដៃ និងកដៃ ដែលមានសភាពធ្ងន់ធ្ងរ៕
